Búgin Qazaqstan Respýblıkasy Premer – mınıstriniń orynbasary – Aýyl sharýashylyǵy mınıstri A. Myrzahmetov AQSH-tyń Aýyl sharýashylyǵy Mınıstri – Sheteldik Aýyl sharýashylyǵy qyzmeti boıynsha keńesshisi Dıana Aıalamen kezdesti dep habarlaıdy Qamshy.kz aqparat agenttigi mcx.gov.kz málimetine súıenip. 

Kezdesýde aýyl sharýashylyǵy salasyndaǵy ekijaqty yntymaqtastyqty damytý máseleleri talqylandy.

«Biz úshin basty baǵyt – tamaq ónimderin daıyn jáne jartylaı daıyn etip shyǵaratyn salalardyń damýy.

Qazaqstan jaǵy ósirýden bastap tereń óńdeý jáne ónimdi saýdalaýǵa deıingi tolyq sıkldy durystaý úshin amerıkalyqtarmen birlesken kásiporyndar qurýǵa múddeli. Biz tarapymyzdan olardyń jumys isteýine qajetti barlyq jaǵdaıdy jasaýǵa ázirmiz.

Bizdi sonymen qatar, agrarlyq ǵylym men qajet tehnologıalar salasy da qyzyqtyrady»,- atap ótti A.Myrzahmetov.