BQO-daǵy Berezovka jáne Bestaýdan kóshirilgenderge arnap salynǵan mektep qańtarda jumysyn bastaıdy, dep habarlaıdy Qamshy.kz aqparat agenttigi. 

Bul týraly BQO ákimi Altaı Kólginov tvıtterdegi mıkroblogynda málimdedi.

Onyń aıtýynsha, Berezov jáne Bestaý turǵyndaryna arnalǵan mektep qańtarda jumysyn bastaıdy.
Oblys ákimi Bórli aýdanyna sapary barysynda Araltaldaǵy mektepke bas suqty. Qurylys jumystary ótken jyldyń tamyzynda bastalǵan bolatyn. Bul maqsatqa 850 mln.teńge bólindi. Bilim oshaǵy 300 oqýshyǵa arnalǵan.

Ákim bul kúni sondaı-aq Aqsaı qalasynyń Qarashyǵanaq-1 shaǵyn aýdanynan salynǵan bes qabatty, 75 páterlik turǵyn úı kiltterin páter ıelerine saltanatty túrde tabys etti.

Elbasy qabyldaǵan «Nurly jer» baǵdarlamasy aıasynda salynǵan páterlerdiń kiltterin sizderge tabystaǵaly turmyz. Bul sizderge degen memlekettiń qamqorlyǵy. Bıyl óńirimizde Elbasy baǵdarlamalaryna saı on tórt kóp qabatty úı qurylysy salynýda. Osynyń nátıjesinde barlyǵy 1700 otbasy óz páterlerine qonystanatyn boldy, - dedi Altaı Seıdiruly.

Oblys ákimi Altaı Kólginov osy saparynda «QPO b.v.» kompanıasynyń bas dırektory Renato Marolımen birge atalmysh kompanıanyń áleýmettik jaýapkershiligi aıasynda Aqsaı qalasynan berezovtyq turǵyndarǵa arnap salynǵan turǵyn úıge bas suǵyp, páter ıelerimen tildesti.

- Tórt bólmeli páterge ıe boldyq. Otbasymyzdyń barlyq múshelerine jetedi. Bólmeler keń. Aýdan ortalyǵynan osyndaı jaıly páterge ıe bolǵanymyz úshin qýanyshymyz sheksiz. Elbasy bastaǵan el azamattaryna úlken alǵysymyzdy bildiremiz, - deıdi Berezov mektebinde tarıh páninen sabaq beretin jas maman Qamar Álenova.