Almaty qalasynda jańa sarbaz qatarynda bolý úshin qorytyndy kezeńnen 60 áskerge shaqyrylýshy mandattyq komısıadan ótti dep habarlaıdy Qamshy.kz aqparat agenttigi Almaty qalasynyń qorǵanys isteri jónindegi departamentiniń baspasóz qyzmetine silteme jasaı otyryp. Almaty qalasynda kúzgi áskerge shaqyrý merzimi aıaqtalýǵa jaqyn qaldy. Árbir áskerge shaqyrý Almaty qalasynyń qorǵanys isteri jónindegi departamentiniń bastyǵy polkovnık Amantaı Óserbaev jáne Almaty qalasy İshki ister departamenti jergilikti polısıa qyzmetiniń bastyǵy Jasulan Baıkenovtiń, Aýmaqtyq qorǵanys jáne jumyldyrý bólimi bastyǵynyń, Almaty qalasy UQK departamenti bastyǵynyń, basqa da memlekettik basqarý organdarynyń ókilderiniń qatysýymen ótkiziledi.

Otandy qorǵaýǵa jáne qyzmet etýge árbir áskerge shaqyrylýshynyń nıeti zor. Olar Almaty qalasynyń qorǵanys isteri jónindegi departamenti bastyǵy polkovnık A.S.Óserbaev myrzanyń suraqtarvna naqty-naqty jaýap berdi.

— Óz erkimen bara jatyrsyń ba?

— Iá!

— Óz yqylasyńmen be?

— Densaýlyq jaǵadaıyń boıynsha shaǵymyń bar ma?

— Joq!

«Áskerı qyzmet jáne áskerı qyzmetshilerdiń mártebesi týraly Qazaqstan Respýblıkasynyń Zańynyń 28-babyna sáıkes jergilikti atqarýshy organdarynyń basshylyǵynyń sheshimi boıynsha shaqyrý komısıasy qurylyp, onyń tóraǵasy bolyp Almaty qalasy Ákimi orynbasary taǵaıyndalady. Mandattyq komısıadan keıin barlyq komısıa músheleri qol qoıylǵan hattama toltyrylady. Hattama negizinde áskerı bılet jazylady. Sodan keıin Almaty qalasynyń qorǵanys isteri jónindegi depantamenti bastyǵynyń Qazaqstan Respýblıkasy Qarýly Kúshteriniń anyqtalǵan áskerge shaqyrylýshylaryn shaqyrý týraly buıryǵy shyǵarylady. Árbir áskerge shaqyrylýshy áskerı bıletti alǵandyǵy týraly qol qoıady» - dep Almaty qalasynyń qorǵanys isteri jónindegi departamenti bastyǵynyń orynbasary polkovnık F.Qurmanǵajınov myrza aqparat berdi.

Sonymen qatar Almaty qalasynda 2000 jýyq áskerge shaqyrylýshy áskerge attanady. Ásirese, Qazaqstan Respýblıkasy Qarýly Kúshterine, UQK Shekara qyzmetine, Memlekettik Kúzet qyzmetine, Ulttyq Ulanǵa jasaqtalady. Óskeleń urpaq Gtan aldyndaǵy boryshyn óteý qajettigin eshqashan umytpaý kerek. Otandy qorǵaý - eldi qorǵaý. Al eldi qorǵaý - memlekettiń tynyshtyǵy bolyp tabylmaq.