QR Densaýlyq saqtaý mınıstri Eljan Birtanov áriptesterin Táýelsizdik kúnimen quttyqtaı otyryp, Qazaqstan medısınasyndaǵy tanymdyq statısıkamen bólisti, dep Qamshy.kz aqparat agenttigi «QazAqparatqa»  súıene otyryp jazady. 

«Kún saıyn 400 myńǵa jýyq qazaqstandyqtar dárigerlerdiń qaraýyna júginedi jáne 8 myńǵa jýyq emdelýshiler aýrýhanaǵa jatqyzylady, kún saıyn 1 myńǵa jýyq áıelder bala súıip, ana atanýda. Hırýrg dárigerler táýligine 2 myńǵa jýyq emdelýshilerge ota jasaıdy, kúnine jedel kómek kórsetý qyzmeti aýrýlarǵa medısınalyq kómek kórsetý úshin 20 myń ret jolǵa shyǵady.

Medısına salasyndaǵy zor jetistikterge aq xalatty abzal jandardyń eńbeginiń arqasynda qol jetkizip otyrmyz», - dep jazdy mınıstr vedomstvonyń Feısbýktegi resmı akkaýntynda. Onyń aıtýynsha, «26 jyldyń ishinde Qazaqstan túrli salaǵa ómirlik mańyzy bar ózgeristerdi engize otyryp, damytýda zor jetistikterge qol jetkizdi».

«Táýelsizdik jyldary qazaqstandyqtardyń kútilgen ómir súrý uzaqtyǵy 4,5 jylǵa uzartyldy jáne jas uzaqtyǵy -72,5 jasty qurady, ana ólimi 5,3 esege azaıdy, sábı ólimi 3 esege, juqpaly týberkýlez aýrýynan qaıtys bolǵandar sany 3 esege, qanaınalym júıesindegi aqaýlardan paıda bolǵan aýrýlardan 2 esege, qaterli jańa isik aýrýlarynan qaıtys bolǵandar sany 1,5 esege azaıdy. Sondaı-aq, 1326 densaýlyq saqtaý nysandary quryldy», - dep bólisti mınıstr.