Qazaqstan syrtqy ister mınıstrliginiń baspasóz hatshysy Ánýar Jaınaqovtyń Facebook-te jazýyna qaraǵanda, Qytaıda esirtki zattary kontrabandasymen aınalysty dep aıyptalyp, ólim jazasyna kesilgen Qazaqstan azamaty elge qaıtarylǵan, dep habarlaıdy centralasian.org.
Aqmola oblysynyń 1989 jyly týǵan turǵyny Qytaıdyń Úrimji qalasynan etappen jetkizilgen.
Qazaqstan bas prokýratýrasy Qytaıda sottalǵan qazaqstandyq jazasyn óz elinde óteıtinin habarlady.
Jaınaqovtyń aqparatyna qaraǵanda, qazaqstandyq azamat 2009 jyly Qytaıdyń Gýanchjoý qalasynda esirtki tasymaldady degen kúdikpen ustalyp, ólim jazasyna kesilgen. Biraq ólim jazasyn oryndaý eki jylǵa shegerilip, 2011 jyly ol jaza ómir boıyna bas bostndyǵynan aıyrý jazasymen almastyrylǵan.
Sottalýshyny eline qaıtarý prosesimen Qytaıdaǵy Qazaqstan elshiligi, bas prokýratýra men Qytaıdyń ádilet mınıstrligi aınalysqan.
SİM málimeti boıynsha, bıyl Qazaqstanǵa Qytaıda sottalǵan budan ózge tórt qazaqstandyq, al 2015 jyldyń tamyzynan beri barlyǵy 15 sottalǵan azamat qaıtarylǵan.
