Táýelsizdik merekesi men Alash úkimetiniń 100 jyldyǵyna oraı Astanada bokstan respýblıkalyq ashyq týrnır ótýde, dep habarlaıdy Qamshy.kz aqparat agenttigi Habar arnasyna silteme jasaı otyryp.

Baıraqty báseke jastar men jasóspirimder arasynda uıymdastyrylǵan. Bylǵary qolǵap sheberleriniń dodasyna elimizdiń barlyq óńiri men Reseı, Ózbekstan, Tájikstan jáne Qyrǵyzstannan da boksshylar kelgen. Uzyn sany 180 sportshy jınaldy. Olar jas erekshelikteri boıynsha 7 topqa bólinip, ózara myqtyny anyqtaýda.

"Búgin týrnırdiń jartylaı fınaly ótip jatyr. Rıngke 28 jup shyǵady. Bizdiń quramamyz jaqsy óner kórsetýde. Astana, Almaty qalalarynyń sportshylary myqty. Reseılikter de osal emes", – deıdi jarystyń bas tóreshisi Qanat Sıhymbaev.

"Men ózim 34 keli salmaq dárejesinde bokstasamyn. Jarys jaqsy ótýde. Bizden jartylaı fınalǵa 5 bala ótti, fınalǵa da barlyǵy ótedi degen oıdamyn", - dep málimdedi jarysqa qatysýshy Nursultan Atambekov.