Búgin Memleket jáne qoǵam qaıratkeri, úsh márte Sosıalısik Eńbek Eri, Qazaq KSR Ǵylym akademıasynyń akademıgi, tehnıka ǵylymdarynyń doktory Dinmuhamed Ahmetuly Qonaevtyń týǵan kúni, dep jazady Qamshy.kz aqparat agenttigi.

Qazaqstan Kompartıasy Ortalyq Komıtetiniń Birinshi hatshysy bolǵan D. Qonaev 1912 jyly 12 qańtarda Almatyda dúnıege kelgen.

Qazaqstan úshin qyrýar is atqarǵan tulǵanyń ómir jolyn bilmeýimiz ádiletsizdik bolar. Ǵasyrda bir týatyn dara tulǵa týraly birneshe fakt usynamyz.

Dinmuhamed Ahmetulyn biletinder óte qarapaıym adam bolǵanyn, tipti jumysqa jaıaý barǵanyn aıtady.

Qazaqstan ónerkásiptik óndiriste – 8,9 ese, aýyl sharýashylyǵynda – 6,2 ese, qurylys salasynda – 68 ese, halyq sany jóninen – 2,5 ese ósti. Qonaev nebary 22 jasynda eldi osyndaı jetistikke jetkizdi.

1967 jyly Qonaevtyń bastamasymen shuǵyl túrde Kishi Almaty ózeniniń joǵary jaǵyna bóget salý jumystary júrgizildi.

1973  jyly Medeýde myqty plotına – alyp bógesin salynyp, sel-sýnamıge tosqaýyl qoıyldy. Selge qarsy qaharmandyq ıdeıasyn kóterip, qurylys-qalqan saldyrǵan da Dinmuhamed Qonaev bolatyn.

Onyń perzenti bolmady, artynda urpaq qalmady.

1981 jyly Qonaev 70 jyldyq mereıtoıyn toılaý qarsańynda Nursultan Nazarbaevty ulym dep atady, ıaǵnı is júzinde murageri ekenin bildirdi.

«Sovetskıı Kazahstan» habarynyń shyǵarylymy aldyn ala Ortalyq Komıtettiń baqylaýynan aı saıyn ótetin. Bir kúni Qonaevtyń ózi qońyraý shalyp: «Meni osy jolǵy habarda eki ret kórsetipti, qysqartyńyzdar, bir ret kórsetse de jetedi», - degen.

1962 jyly Qonaev Pavlodardyń ataýyn Hrýshevograd dep ózgertýge usynys jasaǵandarǵa qarsylyq bildirdi, ol osylaı Máskeýge tanyldy.

Alpysynshy jyldardyń basynda Hrýshev Qazaq Sovettik Sosıalısik Respýblıkasynyń astanasyn Aqmolaǵa kóshirýdi jáne onyń ataýyn Selınograd dep ózgertýdi oılady. Qonaev oǵan qarsy turyp, Almatynyń statýsyn saqtap qaldy.

1993 jyly 25 tamyz Qazaqstan tarıhynda jarıalanbaǵan halyqaralyq qaraly kún bolyp qaldy.

Qazaq jurty Dinmuhamed Qonaev Ahmetulyn jer qoınyna tapsyrdy. On myńdaǵan almatylyq Opera jáne balet teatry zalyna qaıǵy jamyla keldi.