Palata otyrysynda Ulttyq ekonomıka mınıstri Tımýr Súleımenov senator Muhtar Qul-Muhammedtiń saýalyna qazaq tilinde mardymdy jaýap bere almady, dep jazady Qamshy.kz aqparat agenttigi.
Súleımenovtiń jaýabyna kóńili tolmaǵan Senat tóraǵasy Qasym-Jomart Toqaev mınıstrden jaýapty jazbasha túrde daıyndaýyn talap etti.
Mınıstrdiń jaýap bergen sátiniń vıdeosyn Senat baspasóz qyzmetiniń jetekshisi Ádilbek Qaba óziniń Facebook-tegi paraqshasynda jarıalady.
Aıta keteıik, 26 aqpanda Memleket basshysy Nursultan Nazarbaev QR Aqparat jáne komýnıkasıa mınıstri Dáýren Abaevty qabyldaýy barysynda Úkimet pen Parlament tek memlekettik tilde qyzmet kórsetýi tıis ekenin eskertken.
Kelesi kúni-aq úkimet otyrysy bastaǵan jıyndar tek memleketti tilde ótip jatyr. Sársenbi kúni ótken Parlament otyrysynda Danıar Aqyshevtyń da basynan dál osyndaı jaǵdaı ótken. BAQ ókilderi men jıynǵa qatysýshylardyń aldynda Ulttyq bank tóraǵasy depýtattyń saýalyna qazaq tilinde jaýap bere almaı múdirip qalǵan.
