Búgin Kókshetaýǵa Qazaqstan Respýblıkasy prezıdenti ákimshiliginiń memlekettik baqylaý jáne aýmaqtyq-uıymdastyrý jumysy bóliminiń ınspektory Qaldybek Baımbetov bardy.               

Qaldybek Baqtybaıuly partıanyń qoǵamdyq qabyldaýyna kelip, aqmolalyqtardy qabyldap, olardyń máselelerin tyńdap, naqty tapsyrma berdi. Bul týraly «Nur Otan» partıasy fılıalynyń baspasóz qyzmetine silteme jasap.

Búgingi qabyldaýǵa kelgenderdiń  deni Býrabaı aýdanynan boldy. Olar turǵyn úı komýnaldyq sharýashylyǵyna shaǵymdanyp, memleketten páter alý, páter kezeginiń jyljymaýy, jalǵyz baspanalary apatty dep tanylǵan, alaıda san jyldan beri úısiz júrgender boldy. Osy kóp  máseleniń  ishinde qabyldaýǵa kelgen eki adam nazardy beı-jaı qaldyrmady. Onyń bireýi 6 balanyń anasy, búginde Kókshetaýdyń irgesindegi «Nurly kóshte» páter jaldap turyp jatqan Gúlmıra Galımova. Gúlmıra jetinshi sábıin kútip otyr. Kúıeýi mal baǵady eken. 6 qyzy mektep jasynda, bári de sabaqtaryn jaqsy oqyp, sporttan da jetistikterge ıe deıdi.  Shetten kelgen qandastarǵa dep salynǵan «Nurly kóshten» 20 myń teńgege  úı jaldap turyp jatqan olardy, úıdiń ıesi tez arada bosatýyn suraǵan. Amaly taýsylǵan otanasy «Nur Otannan» kómek surady. Kókshetaý qalasy ákiminiń orynbasary Ivan Iýrchenko  bul otbasynyń páter kezeginde 2941 bolyp turǵandyǵyn jáne tek zań júzinde ǵana jumys isteıtindigin.

Galımovtar otbasy jer berse, mal ósirip aýylǵa baryp turýǵa da qarsy emestigin bildirdi. Úısiz, únemi  kóship sharshaǵan otbasyna kómektesýdiń bir amalyn taýyp berýge ýáde berip, kóp balalyn anany jylatpaı, jubatyp shyǵaryp saldy.

Al Zerendi aýdanynyń Elenovka aýylynan kelgen Esim ata osy eldi-mekenniń ataýyn ózgertý qajettigin aıtty. 

«Elbasynyń «Bolashaqqa baǵdar: rýhanı jańǵyrý» maqalasyn oqyp, oryssha ataýmen ketken biraz eldi mekenniń ataýy qazaqshalanyp, ulttyq sanamyzdy dúr silkindirgen jańalyqqa janym qýandy. Osy jýmysty qolǵa alýymnyń sebebi, búginde 385-ten astam úıi bar, onyń 90 paıyzynda qazaqtar turyp jatqandyqtan Elenovka ataýyn qazaqshalaýdy surap keldim», - deıdi jasy 80-nen asyp ketse de ulttyń múddesin oılap kelgen  aýyl aqsaqaly Esim Hasenov.

Memlekettik ınspektor aýdan ákimi Mereke Mustafınge habarlasyp eldi meken, jer sý attaryn qazaqshalaýǵa kelgende óz ata-babasynyń erligin aıtyp, árkim óz tegin berýge tyryspaı, onamastıka komısıasynyń qaraýyna salyp tarazylansyn degen tapsyrma berdi.

Eki saǵattan artyq qabyldaý júrgizgen Qaldybek Baqtybaıuly ár ótinish ıesiniń suraǵy jeke baqylaýynda bolyp, 30 kúnniń ishinde naqty jaýap beriletindigine halyqty sendirdi.