Almatydaǵy ekobeketterde bir sátte kóliktiń tórt kemshiligin anyqtaıtyn apparat qoıyldy.

Almatyǵa keletin kólikterdi tekserý kúsheıedi. Ekologıalyq beketterge bir sátte mashınanyń tórt kemshiligin anyqtaýǵa múmkindik beretin apparat qoıyldy. Buryn polıseıler negizinen tehnıkanyń tek ekologıalyq kórsetkishin kórip kelse, endi júrgizýshige bir sátte birneshe ákimshilik hattama toltyrylýy múmkin.

Buryn polıseıler eski kólikterdi kóbirek toqtaýǵa áýes bolsa, endi  jyly jańa mashınalardy da bekettiń mańyna jıi kezdestirýge bolady. Germanıa tapqyrlaryna tıesili kók sandyq tehnıkanyń tórt aqaýyn anyqtaıdy.

«Búgingi tańda barlyq 10 ekologıalyq beketke qoıylyp jatyr. Onyń jumysyna endi ǵana belsendi kirisip jatyrmyz. Anyq-qanyǵyn,  tehnıkalyq qyr syryn, sıpattamasyn  endi ǵana bilip, ony biz óz tájirıbemizde belsendi qoldanamyz», -dedi Almaty qalasy İİD resmı ókili Saltanat Ázirbek. 

Motor maıynyń qyzýyn, qozǵaltqyshtyń jumysyn, dóńgelektiń túzý aınalýyn jáne gazdyń bólýin bilip beredi. Ot alyp turǵan motor maıynyń qyzýy 60-80 gradýs aralyǵynda  bolmasa qozǵaltqyshta kinarat bar dep sanalady. Taqometr "tiliniń" túzýligi de monıtor arqyly anyqtalady.

«Germanıanyń apparaty birneshe bólshek, bólimderden turady. Gazoanalızator, tútin ólshegish, matordyń temperatýrasyn anyqtaýǵa arnalǵan anyqtaǵyshtar bar. Olardyń bári arnaıy baǵdarlama arqyly iske asyp, kez kelgen kóliktiń  ahýalyn anyqtap bere alady. Biz kompanıanyń  ókili retinde ınspektorlarǵa úıretip jatyrmyz», -dedi   ınjener Rýslan Shamsytdınov.

Apparatty testilik rejımde tekserip jatqan ınspektorlar aqaýy tabylǵan kólikterdiń kóp ekenin aıtady. Biraq júrgizýshilerdi ázirge eskertýmen jiberip jatyr. Ary ketkende bir aıdyń ishinde qoldanysqa kóshken soń joǵarydaǵy kórsetkishter boıynsha kemshilik tabylǵan kólik ıelerine  birden birneshe aıyppul salynady. 

«Ekologıalyq beketterdiń sapaly jumys jasaýyna jan-jaqty járdemdesemiz. Qoǵam, partıa, qala ákimdigi syndy  barlyǵy da  ekologıalyq baqylaýdyń durys jumys jasaǵanyna múddeli. Óıtkeni, qalanyń ekologıasy qashanda kún tártibinen túspeıdi», - dedi  "Nur Otan" partıasy Almaty qalalyq fılıaly boıynsha partıalyq baqylaý komısıasynyń tóraǵasy  Andreı Morgýnov. 

Almaty tirkeýde turǵan 550 myń kólikten bólek, táýligine 300-350 myń tehnıkanyń tranzıttik joly sanalady. Kireberistegi 10 baqylaý beketi  arqyly tek ekologıalyq kemshilik kórsetkishi boıynsha bıylǵy jyldyń úsh aıynda 15 mıllıon teńgeniń aıyppuly salynypty.