Almaty turǵyny elektrobaık oılap tapty.

Almatylyq ónertapqysh jeńil, jınalmaly jáne tez qýattalatyn elektrobaık oılap tapty. Qoǵamdyq kóliktiń jańa túrin ásirese qala ishinde ózińmen tasý yńǵaıly,  deıdi qurastyrýshy. Al baǵasy shetelde shyǵarylatyn túrlerine qaraǵanda anaǵurlym arzan. Onyń ústine buzyla qalsa jóndelýi de ońaı. Avtor endi ótimdiligi joǵary bolady dep kútilgen jumysyn naryqqa satý úshin ınvestorlar izdeıdi. 

Ónertapqysh Erlan Álimhanovtyń elektrobaıky bar bolǵany 15 bólshekten turady. Ol sátti test draıvtan keıin ony boıaýǵa kirisken. Qurastyrýshy bul qoǵamdyq kóliktiń jańa túrin bar bolǵany 2 aıdyń ishinde oılap taýyp, jasap shyǵypty. Endi kóptiń kóńilinen shyqsa naryqqa shyǵarýǵa nıetti.

«Jınalǵan baıkty jeńildetý úshin dóńgelektiń dıametrin barynsha kishireıte berýge bolady. Meniń oılap tapqan elektrobaıkymnyń ereksheligi, óte jınaqy bolǵandyqtan avtobýstyń ishinde de tasymaldaýǵa bolady. Ústińgi jaǵy jeńil materıaldan jasalady. Ony ustaýǵa da yńǵaıly, qoǵamdyq kólikte eshkimge kedergi keltirmeıdi», -dedi ¤ınjener-dızaıner Erlan Álimhanov.

Elektrobaıktaǵy 4 batareıa 35 shaqyrymdyq joldy baǵyndyrýǵa múmkindik beredi. Al  ony qýattaýǵa bar bolǵany 4 saǵat jetkilikti. Jol jónekeı baıktyń qýaty taýsylsa, ony birden jınap qolda ustap júrýge bolady. Kólik quraly áp- sátte kishigirim jınalmaly dóńgelegi bar chemodanǵa aınalady, deıdi ónertapqysh. Ol jobasyn júzege asyrý úshin qoldaý kórsetetin kásipkerler izdeıdi.

«Birneshe fırma meniń oılap tapqanymdy júzege asyrýǵa nıetti. Jaqynda startaptar jarysyna qatysyp, sonda ınovasıalyq jobalarmen aınalysatyn kompanıa birigip jumys isteýge usynys tastady. Maǵan sonda da ınvestorlar qajet. Sonda otandyq elektrobaıkty jasap shyǵarýǵa úlken múmkindik týar edi»,-dedi  ¤ınjener-dızaıner Erlan ÁLİMHANOV

Qurastyrýshy bul ınovasıalyq týyndy kólikti almastyra alady deıdi. Oǵan qosa, qaladaǵy kólik keptelisinen ońaı qutylyp, qorshaǵan ortaǵa zıan tıgizbeýdiń eń tıimdi joly dep otyr.