Búgin «Rýhanı jańǵyrý» aıasynda júzege asyrylyp jatqan jobalardyń qorytyndylary jáne aldaǵy jylǵa usynystar men josparlardy anyqtaý boıynsha aýqymdy shara ótti. Keshe Elbasy Nursultan Nazarbaevtyń «Bolashaqqa baǵdar:Rýhanı jańǵyrý» baǵdarlamasyna qatysty maqalasynyń jarıalanǵanyna bir jyl tolǵan bolatyn.

Almaty aýdandarynda «Rýhanı jańǵyrý» baǵdarlamasynyń bir jyldyǵy atalyp ótýde.

Almaty aýdandarynda «Rýhanı jańǵyrý» baǵdarlamasynyń 1 jyldyǵy atalyp ótýde. Byltyr dál osy ýaqytta Elbasynyń «Bolashaqqa baǵdar» baǵdarlamasynyń aıasynda Naýryzbaı aýdanynda «Álibı» saıabaǵy ashylǵan edi. Búginde atalǵan aımaq eńkeıgen qart pen eńbektegen balanyń jaıly ornyna aınalǵan.

«Bul jerde sportpen aınalysam degen turǵyndarǵa barlyq jaǵdaı qarastyrylǵan. Ony aıta ketsek, vord aýlasy bar, veloaýla, skeıtbord aýlasy, jasóspirimderge arnalǵan neshe túrli atraksıon qarastyrylǵan», - dedi Almaty qalasy «Álibı» saıabaǵynyń dırektory Janbolat Tileýbaev.

«Rýhanı jańǵyrýdyń» álden-aq ıgiligin kórip jatqan stýdentter baǵdarlamanyń orny erek deıdi. Jastar bir jylda atqarylǵan isterdi óz betterinshe qorytyndylady.

«1 jyl boldy. Sonymen qatar, qorytyndysyn túgeldeı anyqtaý kerek. Ózderińiz bilesizder, ne istelindi? Qandaı máseleler kóterildi? Qandaı mehanızmder qazir qosylýda? Sonyń bárin anyqtaý úshin jınaldyq. Óz jeke tarapymnan aıtsam, «Rýhanı jańǵyrýdy» qalaı túsinemin ıá? Ol birinshiden, qazaq tilinde sóıleý», - dedi Almaty qalasy «Jas Otan» jastar qanatynyń tóraǵasy Dýlat Qasymov.

«Rýhanı jańǵyrý» baǵdarlamasynyń jarıalanǵanyna keshe týra bir jyl boldy. Osy ýaqyt aralyǵynda  arnaıy jobalar boıynsha atqarylǵan ister birshama. Ony QR Prezıdenti Ákimshiliginiń İshki saıasat bóliminiń meńgerýshisi  aıtyp ótti.

«Baǵdarlama aıasynda árbir joba boıynsha árqaısysy jeke memlekettik baǵdarlama turatyn aýqymdy jumystar boldy. Oǵan halqymyz belsendi júzege assyryp, uıymdastyrý  jumysyna qatysyp júr. Tipti, BAQ quraldarynyń synı  maqalalarynyń ózi barlyǵyn bir retke qoıyp, sapaly jumys isteýge trysyýǵa ıtermeledi. Búgingi basqosý bir jyldyq jumysty qorytyndylaý emes, alǵa qoıǵan maqsattardy durys anyqtaý bolyp otyr. Memlekettiń barlyq azamaty atalmysh baǵdarlamaǵa tıimdi qatyssa ǵana onyń nátıjesi tıimdi ári sapaly bolady. «Rýhanı jańǵyrý» boıynsha júrgizilip jatqan jumystar óte aýqymdy. Ony keshe bir jobanyń tanystyrylýy kezinde baıqaǵan bolarsyzdar», - dedi  QR Prezıdenti Ákimshiliginiń İshki saıasat bóliminiń meńgerýshisi  Aıda Balaeva.