Memleket basshysynyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýynda agroónerkásiptik keshen aldynda eńbek ónimdiligin túbegeıli ulǵaıtý jáne qaıta óńdelgen aýyl sharýashylyǵy ónimi eksportynyń ósimin          5 jyl ishinde keminde 2,5 esege arttyrý mindeti qoıyldy.

Bul mindetti sheshý salany damytýda múlde jańa kózqarasty talap etedi. Joǵaryda atalǵan mindetterdi eskere otyryp, Qazaqstan Respýblıkasy Aýyl sharýashylyǵy mınıstrligi agrobıznes jáne  úkimettik emes uıymdardyń ókilderin tarta otyryp, 2017-2021 jyldarǵa arnalǵan Qazaqstan Respýblıkasy agroónerkásiptik keshenin damytýdyń memlekettik baǵdarlamasyna túzetýler engizý boıynsha jumys júrgizdi.

Osy máseleniń ózektiligin eskere otyryp, búgin Qazaqstan Respýblıkasy Parlamenti Májilisinde agroónerkásip kesheniniń Memlekettik baǵdarlamasyna ózgerister men tolyqtyrýlar engizý týraly úkimettik saǵat ótkizildi.

Baǵdarlamanyń túıindi kórsetkishteri men is-sharalary negizinde, jobalyq basqarý standarttaryna sáıkes agroónerkásiptik keshenniń negizgi baǵyttaryboıynsha uzaq merzimdi salalyq baǵdarlamalar ázirlendi, olardy iske asyrý merzimi 10 jáne odan da kóp jyldy quraıdy.

Etti mal sharýashylyǵyn damytý baǵdarlamasynyń negizine otbasylyq fermalar túrindegi shaǵyn sharýashylyqtar alynady jáne ol iri qara mal ósirý jónindegi fermerlik sharýashylyqtardan, ónerkásiptik bordaqylaý alańdarynan jáne zamanaýı et óńdeý keshenderinen turatyn zákirlik kooperasıa nysanynda jasalady. İri qara mal sharýashylyǵymen, qoı sharýashylyǵymen jáne jylqy sharýashylyǵymen aılanysatyn 80 myńnan astam otbasylyq ferma qurý, paıdalanylatyn jaıylymdar alańyn 58 mln. gektardan 100 mln. gektarǵa keńeıtý, iri qara mal sanyn 15 mln. basqa deıin, qoı sanyn 30 mln. basqa deıin ulǵaıtý kózdelip otyr.

Jobaǵa qatysýshylar úshin qoldaýdyń jeke sharttary kózdeletin bolady, olar: jer ýchaskelerin basymdylyqpen berý, fermerlik sharýashylyqtarǵa mal basyn, tehnıka men jabdyq satyp alýǵa jeńildikpen nesıe berý, jaıylymdar ınfraqurylymyn qurý.

Sútti mal sharýashylyǵy baǵdarlamasy da sút óndirý jónindegi otbasylyq fermalardan, ónerkásiptik sút-taýarly fermalardan jáne zamanaýı sút zaýyttarynan turatyn zákirlik kooperasıa qaǵıdaty boıynsha jasalady. 2027 jylǵa qaraı otbasylyq fermalardyń sanyn 380-nen 930-ǵa deıin, iri sút- taýarly fermalardyń sanyn 108-den 170-ge deıin, sút zaýyttarynyń sanyn 163-ten 174-ke deıin jetkizý josparlanyp otyr. Jobaǵa qatysýshylar úshin qoldaýdyń jekelegen sharalary usynylatyn bolady. Nátıjesinde sút óndirisiniń kólemin 2027 jylǵa qaraı 1 mln. tonnaǵa ulǵaıtý mindeti qoıylyp otyr.

Qus sharýashylyǵyn damytý baǵdarlamasy sheńberinde jańa kásiporyndar salý, qoldanystaǵylaryn rekonstrýksıalaý jáne jańartý, sondaı-aq et jáne jumyrtqa baǵytyndaǵy qustardyń ónimdiligin arttyrý kózdeledi.

Ósimdik sharýashylyǵyndaǵy negizgi is-sharalar tizbesi: sapaly tuqymdardyń bolýy, tehnıkalyq jaraqtaý, naqty eginshilik, tyńaıtqyshtar men ósimdikterdi qorǵaý quraldaryn qoldaný, ártaraptandyrý, sýarmaly jerlerdi aınalymǵa engizý.

Jalpy Memlekettik baǵdarlamada 10 mindetti oryndaý kózdelgen. Bul - azyq-túlik qaýipsizdigin qamtamasyz etý, qarjylandyrýdyń qoljetimdiligi, tıimdi salyq salý, jer jáne sý resýrstaryn tıimdi paıdalaný, naryqtarǵa qol jetkizý jáne eksportty damytý, agrarly ǵylym, tehnıkalyq jabdyqtaý men óndiristi jandandyrý, memlekettik qyzmet kórsetý sapasy men sıfrlandyrý, aýyldyq jerlerdi damytý.

Osylaısha, memlekettik baǵdarlama agroónerkásiptik keshen salalaryn damytýdyń negizgi sharttaryn qamtamasyz etedi.

Bul sharalar Memleket basshysynyń agroónerkásiptik keshen úshin qoıylǵan mindetterin oryndaýǵa múmkindik beredi.