Ekpini qatty jeldiń áserinen Ózbekstannyń soltústik bóligin Aral teńiziniń tuzy shańy basyp qaldy, dep habarlaıdy Qamshy.kz aqparat agenttigi nuz.uz - ke silteme berip. 

Ózgıdromettiń málimeti boıynsha jeldiń jyldamdyǵy sekýndyna 22 metrge jetken. Az ǵana ýaqyt ishinde Núkis qalasynyń barlyq aımaqtaryn, kórshi qalalardy, kólikter men ǵımarattardy tuzdy shań basqan. Dem alý qıyn bolǵandyqtan turǵyndar betperde taǵýǵa májbúr bolǵan. 

«Núkiste tuzdy daýyl soqty. Qatty jeldiń áserinen shań men tuz kóterilip qala men aýyldarǵa jetti. Tuzdy shań adamdardyń kózin ashytyp, úıdiń ishine deıin kirip ketti. Bul jáı tuz ǵana emes, ol Amýdarıadan Aralǵa túsetin pestısıdter men azotty tyńaıtqyshtar», - deıdi qala turǵyny Azamat Matkarımov.

Qatty jeldiń áserinen tuzdy shań Úrgenish qalasyna deıin jetken. Dál osyndaı tabıǵı qubylys Navoıı jáne Horezm oblystarynan da baıqalǵan.