Qazaqstan prezıdenti Nursultan Nazarbaev 6 maýsymda Qytaıǵa memlekettik saparmen barady dep habarlady Qytaı Syrtqy ister mınıstrliginiń resmı ókili Lý Kang.

Azattyqtyń deregine súıensek, Nazarbaev 6-10 maýsym kúnderi Qytaıdyń Sındao qalasynda ótetin Shanhaı yntymaqtastyq uıymy (SHYU) memleket basshylarynyń kezekti kezdesýine qatysady. Kezdesýge Reseı prezıdenti Vladımır Pýtın, Qyrǵyzstan prezıdenti Sooronbaı Jeenbekov de qatysady dep josparlanǵan.

Lý Kangtiń aıtýynsha, Iran prezıdenti Hassan Roýhanı jıynǵa baqylaýshy retinde qatysady.

SHYU 2001 jyly Shanhaıda Qazaqstan, Qyrǵyzstan, Qytaı, Reseı jáne Tájikstannyń bastamasymen qurylǵan. 2017 jyly maýsymda Astanada ótken SHYU samıtinde uıymǵa Úndistan men Pákistan qosylǵan. Iran da uıymǵa turaqty múshe bolyp qosylýǵa nıetti.