Salyqshylar ózderiniń tekseristerimen memleketke taksı júrgizýshileriniń nemese konteınerdegi satýshylardyń tapqan tabysynan da az paıda ákeledi, esesine ol bızneske qıyndyq týdyrtady – Májilistiń plenarlyq otyrysy aıasynda «Aq jol» fraksıasynyń kóshbasshysy salyq salýǵa qatysty ahýaldy osylaısha sýrettep berdi.

- Esep komıtetiniń derekterine súıensek, táýekelderdi basqarý júıesi boıynsha kezdeısoq tekserister júrgizgen kezde, 78-den 369 kúntizbelik kúnge deıin eseptelgenge deıingi somasy 89,7 myń teńgeden 714,0 myń teńgege deıin qurady. Mundaı tekserýlerdiń ekonomıkalyq tıimdiligi kúnine 2 myń teńgeden aspaıtyn bolyp shyqty, - dep ol qarapaıym arıfmetıkany keltirip ótti, - Esesine kásipkerlerdiń shamadan tys ýaqytyn alyp, júıkesin tozdyrady.

Bul nátıjeler tipti sol tekseris júrgizýshilerdiń jalaqysyn da qamtymaıdy. «Taksı júrgizýshileri nemese «baraholkadaǵy» konteınerdegi satýshylar olardan kóbirek tabys tabady. Múmkin, olardy asyraǵansha, onyń ústine bızneske kedergi jasaǵannan góri, búdjet úshin mundaı mamandardy qysqartyp tastaý áldeqaıda tıimdi bolar edi», - dedi Perýashev.

Depýtat salyqshylar «belgisiz bir sebeptermen, keıbir kásipkerlerdi kúıreýdiń shegine jetkizse, al endi basqalaryna aqylǵa syımaıtyn meıirbandyq tanytyp jatady», - dep naqty mysaldar keltirdi. Máselen, 2017 jyly Almaty qalasynyń Memlekettik kirister departamentimen (MKD) jalǵandyq belgileri bar mámilelerdi júzege asyrǵan 63 kontragenttiń ishinen jalpy kóleminiń 7% mámile somasynda 4 sýbekti ǵana tekserilgen. Iaǵnı, 94% belsendi zań buzýshylardan olardyń is-áreketteriniń zańdylyǵy týraly eshkim tipti suramaǵan.

Shyǵys Qazaqstan oblysy boıynsha MKD-men 88 anyqtalǵan kontragentterdiń 13-i 5% mámileler somasynda tekserilgen, al Qaraǵandy oblysy boıynsha MKD-men 43-ten 15 kontragentter tekserildi. Iaǵnı, salyqshylar eki jaǵdaıda da taǵy 85% jáne 65% áleýetti zań buzýshylardyń mazasyn alýǵa seskengen syńaıly.

Kórip otyrǵandaryńyzdaı, bul, tipti erekshelik te emes, al keń taralǵan tájirıbege aınalyp barady.

Alaıda, sonymen qatar Astana jáne Almaty qalalyq, Aqtóbe jáne Ońtústik Qazaqstan oblystyq MKD salyqshylary 12,7 mlrd. teńgege qosymsha qun salyǵy (QQS) jáne korporatıvtik tabys salyǵy (KTS) boıynsha kásiporyndarǵa eskertý kólemin negizsiz arttyrǵan.

Demek, adal emes salyq tóleýshiler nazardan tys qalady da, al adal kásipkerlerge ár kez saıyn kúresip, «túıe emes» ekenin dáleldeýine týra keledi», - dep ashyǵyn aıtty Perýashev.

Másele tek salyqta ǵana emes, «surqaı» sqemalar boıynsha jumys isteıtinderde bolyp otyr – olar ózderin emin-erkin sezinedi, ádiletsiz básekelestikti týdyrady jáne naryqta ashyq ári adal jumys isteıtinderdi janshyp tastaıdy.

Alaıda, kerisinshe bolýy tıis: ádil jumys isteıtin bıznes úshin jeńil ári ońaı bolýy kerek. al alaıaqtardy áshkerelep, olardy «ornyna qoıý kerek» – dep túıindedi depýtat.

Aqparat úshin: Ózderińizge belgili bolǵandaı, osy áleýmettik jelilerde sáýletti saraıdyń fotosy men vıdeosy taratylýda. Beınejazba avtorynyń aıtýynsha, onyń ıesi jaqynda qamaýǵa alynǵan Shymkent qalasy Memlekettik kirister departamenti bastyǵynyń orynbasary bolyp shyqty.