Almatyda 16-17 maýsym kúnderi halyqaralyq «Star of Asia» mýzyka festıvali ótedi. Bul ashyq aýadaǵy mýzykalyq sahna jáne álemdegi eń bıik muz aıdyny «Medeýde» álemdik deńgeıdegi artıser óner kórsetip, kóptegen kóńil kóterý sharalary ótedi.
Festıvál kórermenderi úshin arnaıy avtobýstar qatynaıtyn bolady. Jınalatyn oryndar: Abaı dańǵyly, 44 Balýan Sholaq atyndaǵy Sport saraıynyń jany jáne Dostyq dańǵyly,Qurmanǵazy kóshesiniń buryshy. Jolaýshylar kólikteri saǵat 17:00-den 18:30-ǵa deıin júredi. «Medeý» bıik muz aıdynan reıster saǵat 22:00-den bastap qaıtady. Jolaqysy -150 teńge.
Uıymdastyrýshylar «Medeý» muz aıdynyna jeke avtomobılder qozǵalysyna shekteý qoıylatynyn eskertedi, festıvál kúnderi jeke kólikter turaǵy bir ese ǵana kóbeıedi.
Aıta keterligi, bıik taý shatqalynda temperatýra qaladaǵydan edáýir tómen. Sondyqtan syrtqy kıimderdi (vetrovkalar, kúrtesheler), jamylǵyny birge alǵan jón.
Eske salsaq, festıvál bıletteri starofasia.kz, kassir.kz, zakazbiletov.kz saıttarynda,Meloman men Respýblıka Saraıy kasalar júısinde satylady. Tolyq aqparatty @starofasia2018 jáne www.starofasia.kz. portalynan alýǵa bolady.
