Osy aptada memleket basshysy Nursultan Nazarbaevtyń jarlyqtarymen Qazaqstannyń Cheh, Ázerbaıjan, Qyrǵyzstan Respýblıkalaryndaǵy elshileri taǵaıyndaldy.

Budan bólek elimizdiń sot júıesinde de kadrlyq aýys-túıis oryn alyp, birqatar óńirde jańadan basqarma basshylary taǵaıyndaldy.

QazAqparat osy apta ishinde oryn alǵan kadrlyq taǵaıyndaýlarǵa sholý jasaıdy.

Sonymen prezıdent jarlyǵymen Serjan Oralbaıuly Ábdikárimov Qazaqstan Respýblıkasynyń Cheh Respýblıkasyndaǵy Tótenshe jáne Ókiletti Elshisi qyzmetine taǵaıyndaldy.

Serjan Oralbaıuly Ábdikárimov 1976 jyly 11 mamyrda Qaraǵandy qalasynda dúnıege kelgen. Abaı atyndaǵy Almaty memlekettik ýnıversıtetin, Syrtqy ister mınıstrliginiń Dıplomatıalyq akademıasyn bitirgen, halyqaralyq qatynastar mamany.

1998-1999 jyldary - SİM referenti, attashesi. 1999-2000 jyldary - Qazaqstannyń  Koreıadaǵy elshiliginiń attashesi. 2000-2002 jyldary - Dıplomatıalyq akademıanyń tyńdaýshysy. 2002 jyly - SİM ekinshi hatshysy. 2002-2004 jyldary - Qazaqstannyń Avstrıadaǵy elshiliginiń ekinshi hatshysy. 2004-2005 jyldary - Qazaqstannyń Ulybrıtanıadaǵy elshiliginiń birinshi hatshysy.

2005 jyly - SİM aqparattyq-taldaý jumystary jáne boljamdyq baǵalaýlar departamentiniń dırektory. 2005-2007 jyldary - SİM Eýropa jáne Amerıka departamentiniń dırektory. 2008-2009 jyldary - Qazaqstannyń Bolgarıadaǵy ýaqytsha senimdi ókili.

2009-2012 jyldary - SİM Erekshe tapsyrmalar jónindegi elshisi - EQYU departamentiniń dırektory. 2012 jylǵy aqpannan QR Syrtqy ister mınıstrliginiń syrtqy saıası taldaý jáne josparlaý komıtetiniń tóraǵasy qyzmetin atqarǵan.

Al buǵan deıin Qazaqstan Respýblıkasynyń Qyrǵyz Respýblıkasyndaǵy Tótenshe jáne Ókiletti elshisi qyzmetinen atqarǵan Beıbit Óksikbaıuly Isabaev Ázerbaıjanǵa elshi bolyp ketti. Ol 1962 jyly 4 jeltoqsanda Almaty oblysynda Balqash aýdany Baqanas aýylynda dúnıege kelgen. S.Kırov atyndaǵy Qazaq memlekettik ýnıversıtetin, SİM Dıplomatıalyq akademıasyn bitirgen.

1985-1987 jyldary - Qazaq KSR Televızııa jáne radıohabary memlekettik komıtetinde redaktor. 1987-1991 jyldary - "Lenınshil jas" respýblıkalyq gazetinde tilshi, bólim meńgerýshisi. 1991-1994 jyldary - "Órken"- "Gorızont" gaezti redaktorynyń orynbasary, redaktory. 1994 jylǵy aqpan-sáýir aılarynda - Qazaq memlekettik televızıasynyń bas dırektory. 1994 jylǵy mamyr-shilde aılarynda - Almaty qalasy ákimshiliginde ákimniń orynbasary.

2003-2006 jyldary - Qazaqstannyń Pákistan Islam Respýblıkasyndaǵy tótenshe jáne ókiletti elshisi. 2006-2008 jyldary - Qazaqstannyń Túrik Respýblıkasyndaǵy tótenshe jáne ókiletti elshisi, Qazaqstannyń Albanıadaǵy tótenshe jáne ókiletti elshisi mindetin qosa atqarýshy. 2008 jylǵy aqpan-tamyz aılarynda - Mádenıet jáne aqparat vıse-mınıstri. 2008-2009 jyldary -  prezıdenttiń baspasóz hatshysy. 2009 jylǵy shildeden bastap Qazaqstannyń Qyrǵyz Respýblıkasyndaǵy tótenshe jáne ókiletti elshisi bolǵan.

"Qurmet" ordenimen, "Qazaqstan Konstıtýsıasyna 10 jyl", "Qazaqstan Parlamentine 10 jyl" medaldarymen, Qurmet gramotasymen marapattalǵan.

Qazaqstan Respýblıkasynyń Qyrǵyz Respýblıkasyndaǵy tótenshe jáne ókiletti elshisi qyzmetine taǵaıyndalǵan Aıymdos Ersaıynuly Bozjigitov elimizdiń Armenıa Respýblıkasyndaǵy elshisi qyzmetinen bosatyldy. Tehnıka ǵylymdarynyń kandıdaty, 2-shi sanatty tótenshe jáne ókiletti Elshi Aıymdos Bozjigitov Kókshetaý oblysy Volodar aýdanynda (qazirgi Aqmola oblysy) týǵan. Qaraǵandy polıtehnıka ınstıtýtyn bitirgen.

1983-1992 jyldary - Almaty sáýlet-qurylys ınstıtýtynyń, Qazaq polıtehnıka ınstıtýtynyń aspıranty, ǵylymı qyzmetkeri, oqytýshysy, dosenti, kafedra meńgerýshisi.

2002-2010 jyldary - Syrtqy İster mınıstrliginiń Almatydaǵy Ókildiginiń basshysy, arnaıy tapsyrmalar jónindegi elshisi. 2010 jyldyń naýryz aıynan bastap osy ýaqytqa deıin elimizdiń Armenıadaǵy Elshisi qyzmetin atqarǵan. "Qurmet" ordenimen jáne medaldarmen marapattalǵan.

Memleket basshysy Nursultan Nazarbaevtyń jarlyǵymen Abaı Rahmetýlın Joǵarǵy Sottyń qylmystyq ister jónindegi qadaǵalaýshy sot alqasynyń tóraǵasy bolyp taǵaıyndaldy.

Ol Qazaqstan Respýblıkasy Joǵarǵy Sotynyń sýdıasy (2004-2007 jj.), Ońtústik Qazaqstan oblystyq sotynyń tóraǵasy (2007-2012 jj.) bolyp jumys istedi. 2012 jyldyń naýryzy men 2015 jyldyń naýryzy aralyǵynda Shyǵys Qazaqstan oblystyq sotynyń tóraǵasy qyzmetin atqardy. Birinshi synypty sýdıa dárejesine ıe.

Memleket basshysy Nursultan Nazarbaevtyń ókimimen Kúzembek Stanbaıuly Ádenov Qazaqstan Respýblıkasy "Syrbar" Syrtqy barlaý qyzmeti dırektorynyń orynbasary qyzmetine taǵaıyndaldy.

İİM buıyryǵymen Kóliktegi İİD-niń jańa bastyǵy bolyp polısıa polkovnıgi Erjan Saparbekuly Sadenov taǵaıyndaldy. Erjan Sádenovti Kóliktegi İİD-niń jeke quramyna Qazaqstan Respýblıkasy İshki ister mınıstriniń orynbasary Marat Ganuly Demeýov tanystyrdy.

Erjan Sádenov buǵan deıin Shyǵys Qazaqstan oblysynyń İİD-de basshylyq qyzmette istegen, sondaı-aq Mańǵysaý oblysy İİD bastyǵynyń orynbasary laýazymyn atqarǵan.

Keıingi jyldary QR İİM apparatynda qyzmet etken. Mańǵystaý oblystyq sotynda oblystyq sottyń jańa tóraǵasy Jaqsylyq Rzabekuly Alanov tanystyryldy.

Osy aptada Shyǵys Qazaqstan oblysy ákimdiginiń otyrysynda óńir basshysy Danıal Ahmetov ekonomıka jáne búdjettik josparlaý bóliminiń jańa basshysy Qýat Týmabaevty tanystyrdy.

Astana qalasy Tótenshe jaǵdaılar departamentiniń jańa basshysy bolyp órtke qarsy qyzmet polkovnıgi Barat Ospanuly Duzaqbaev taǵaıyndaldy.