Qylmystyń ósýi eń birinshi álýmettik jaǵdaıdyń tómendiginen, Almaty qalasynda 49 paıyz xalyq eń tómengi kedeıshilikte ómir súredi eken. Sebep sońǵy úsh jylda dollar toqtamaı ósýde. Úkimet túk isteı almaı otyr. Dollar baǵamynyń ósip jatqandyǵy eldegi barlyq zattar men qyzmetterdiń qymbatshylyǵyna ákeletini sózsiz. Jalpy beıqam ómir súrýdiń ózi biz úshin qymbatqa túseıin dep tur. Búginde dollar baǵamy 320 teńgeden 361 teńgege ósti. Túsingenimshe, bul úrdis áli de toqtamaıtyn sıaqty. Óz kezeginde barlyq taýarlar birden qymbattaıdy. Janarmaı, nan, maı, kıim-keshek - báriniń baǵasy eki esege sharyqtaıyn dep tur. Al, osy tusta xalyqtyń jalaqysy ósti me? Memleketten jeńildikter berildi me? Joq!
Qurmetti dostar, ún-túnsiz otyrmańyzdar, belsendilik kórsetińizder! Bizdiń árqaısysymyz - osy memlekettiń azamatymyz, onyń bir bólshegimiz, demek eldegi qalyptasqan jaǵdaılarǵa óz oıymyzdy bildirýge de, ony túzetýge de tolyq quqylymyz! Myna kele jatqan qıynshylyq birimizdi qaldyrmaı bárimizge áser etip, áli-aq kesirin tıgizedi. Ne úshin Qazaqstanda dollar baǵamy ósýi qajet? Bul jaǵdaıdyń oryn alýyna eshqandaı syrtqy ekonomıkalyq kórsetkishter áser etip turǵan joq. Sebebi, memlekettik búdjettiń 70 paıyzyn quraıtyn munaıdy, gazdy, jerasty qazbalaryn ózge elderge dollarǵa satyp jatyrmyz. Ne úshin el belsendileri osy másele boıynsha lám-mım demeı, múldem úndemeı jatyr?
Eýrazıalyq odaqqa kirip alyp, basymyzdy bálege qaldyrdyq. Oılanbaı jasalǵan is árqashan da jamandyqqa ákeledi. «Jeti ret ólshep, bir ret kes», - degen de jaqsy sóz bar emes pe? Osy sheshimniń artynan qazirgi bolyp jatqan keri tustary da ilese keletinin aldyn-ala boljaý qıyn emes edi. Halyq endi ǵana kásipkerlikke bet buryp, óz isterin dóńgelete bastaǵan kezde teńge qunsyzdanyp jatyr. Bul - elde qalyptasqan, kóz juma qaraýǵa bolmaıtyn óte qıyn jaǵdaı. Halyq bolyp birigip, osyǵan tótep bereıik, aǵaıyn! Búgin únsiz qalsaq, erteń kesh bolady!
Pikir qaldyrý