Apat aıtyp kelmeıdi. Keıde kishigirim nárselerge salǵyrt qarap, artynan opyq jep jatamyz, tıtteı nárseden biz kútpegen úlken máseleler týyndap ketedi. Al, keıde, tipti, ózgeniń qateliginen ońbaı taıaq jeımiz. Ómirinde sondaı oqıǵalardyń birine tap bolǵan Gúlbaný esimdi áıeldiń oqıǵasyn Qamshy.kz aqparat agenttigi nazarlaryńyzǵa usynady.

Kórshisiniń dárethana qaǵazyn órteımin degen is-áreketinen úıinen aıyrylyp qalǵan bes balanyń anasy «Bala-shaǵamnyń bir kıimin de alyp shyǵyp úlgermedik, úı túgelimen kúli kókke ushty» deıdi.

Bes balaly ananyń aıtýynsha, órt bir kún buryn bolǵanda budan da úlken qaıǵyly jaǵdaıda tap bolýy múmkin eken. Qazir kópbalaly otbasy bir aýylda turatyn Gúlbanýdyń sińlisiniń úıin panalap júr.

«Bizden eki kóshe ary  turatyn sińlim bar, birden sonyń úıine bardyq. Degenmen eki otbasy bir úıde turý degen qıyn, sonda da bir-eki shydap, úıimizdi kishkene qalypqa keltirgenshe sol úıdi panalaı turamyz. Oǵan da shúkir, dalada jatqan joqpyz», - deıdi zardap shegýshi.

Kúlge aınalǵan úıdiń ishinen tek ózderi ǵana shyǵyp úlgergen, balalardyń bir de bir kıimin alyp shyǵa almaǵan otbasyda mektep oqıtyn úsh bala bar. Jańa oqý jylyna daıyndyq naýqanynda mundaı qaıǵyǵa dýshar bolyp otyrǵan ata-ana balalarynyń kıim-keshegin, mektepke qajetti zattaryn bárin satyp alýǵa májbúr. Halyqtan qol jaıyp, anaý berińiz, mynaý berińiz dep kómek suramaımyn, biraq kómek qolyn sozam deýshilerdiń qolyn qaıtarmaımyn dep otyrǵan bes balanyń anasyna jalpaq jurttyń qoldaýy qajet.

«Órt bir kún buryn bolsa qandaı jaǵdaıǵa tap bolar edik degen oıdan aryla almadym. Senbi kúni órt bolǵan kezde men de, kúıeýim de úıde boldyq, al bir kún buryn ekeýimiz de jumysta boldyq, eki qyzym úıde qalǵan, únemi «esikti ilip alyp, uıyqtaı berińder» dep ketetinmin. Bir kún buryn bolǵanda eki qyzym úıde esikti ilip alyp jatqan bolsa, múldem aıtýǵa aýyzym barmaıtyn qaıǵyǵa dýshar bolar edik. Allaǵa shúkir, bala-shaǵam aman, qalǵany aqyryndap bola jatar», - deıdi Gúlbaný.

Joǵaryda atap ótkendeı, órt kórshi áıeldiń dárethana qaǵazyn syrtqa shyǵaryp órteımin degen is-áreketiniń saldarynan týyndaǵan. Zardap shegýshi ananyń aıtýynsha, kórshi jas kelinshek, emizýli balasy bar, dárethana qaǵazyn órtep, balasyn emizýge kirip ketken, sol kúni jel soǵyp keıinnen órttiń ushqyny sol jeldiń saldarynan shópke túsip, aqyryndap sol úıge de jetken eken. Bul oqıǵaǵa tikeleı qatysy bar kórshileriniń is-áreketi qalaı boldy? Degen suraqqa kópbalaly ana bylaı deıdi:

«Balasyn emizip jatyp órttiń kúsh alyp ketkenin baıqamaı, keıinnen ony sóndire almaı qalǵan. Olar ózderi jýyrda ǵana kóship kelgen jas otbasy, bir balalary ǵana bar. Qyzdyń ata-anasy kelip keshirim surap «kúıeý balam jetim edi, áke-sheshesi joq bar qolymyzdan keletini osy» dep bir mıllıon teńgeni ustatty. Asyp-tasyp jatqan otbasy emes, olardan endi ne suraı alamyz. Tek bar aıtqanym úıdiń qabyrǵasyn turǵyzyp, shatyryn jaýyp bersin dedim, úıdiń ishindegi dúnıelerimdi de suramaımyn. Bergenderine qanaǵat dedim».

Aıta keteıik, ótken aptada Almaty oblysy Talǵar aýdanyna qarasty Jalǵamys aýylynda bútindeı bir otbasy bir túnde úıinen jáne bar dúnıesinen aıyryp qaldy. Bir balasy syrttaı oqý ornynda, bir balasy áskerde, qalǵan úsheýi mektep jasyndaǵy balalardyń anasy Gúlbaný hanym men jubaıy bar kúsh-jigerin jınap, qaıtadan bárin basynan bastaýǵa bekinip otyrsa da, kópshiliktiń qoldaýyna muqtaj.

Úlken ulynyń bank kartochkasy