Almatyda tarıhı jáne mádenı aıryqsha mańyzy bar qalanyń tarıhı ortalyǵyn rekonstrýksıalaý jáne ǵımarattardy jańartý jalǵasýda. Keshke qaraı Respýblıka Saraıy, Balýan Sholaq atyndaǵy Sport Saraıy, Qurmanǵazy atyndaǵy ulttyq konservatorıa men Almatynyń birqatar belgili nysandary arhıtektýralyq jaryq kózderimen nurlana túsedi.

Qazirgi kezde kóptegen megapolısterde qalanyń erekshelikteri men kórneki oryndaryn aıshyqtaı túsetin jáne keshki serýen kezinde qolaıly jaǵdaı týǵyzatyn arhıtektýralyq jaryq kózderi tıimdi paıdalanylýda.Zamanaýı energıa jınaqtaıtyn tehnologıany utymdy qoldaný elektr energıasyn únemdeıdi jáne jaryq kózderin uzaq paıdalanýǵa yqpal etedi.

Keshki jáne tún mezgilinde qala ǵımarattaryna, landshaftarǵa biryńǵaı arhıtektýralyq stıl berý maqsatynda Almatyda sońǵy eki jyl ishinde qalanyń 130 belgili nysandary jaryq kózderimen nurlana tústi.

Olardyń arasynda Táýelsizdik Monýmenti, «Qazaqstan» qonaq úıi, Dańq, Memorıaly, «Kóktóbe» telemunarasy, Abaı atyndaǵy MATOB, Qasteev atyndaǵy murajaı, Yqylas atyndaǵy halyq aspaptary mýzeıi, Ortalyq meshit, Sváto-Voznesenskıı kafedraldy sobory jáne basqalary bar.

Arhıtektýralyq jaryq kózderiniń biryńǵaı jobalarynyń barlyǵy búdjetten tys qarjy esebinen júzege asýda.

Bulardan ózge, Almatyda bıylǵy jyly birneshe qala dańǵyldary rekonstrýksıalanýda, kósheler men trotýarlarǵajańa jaryq kózderi ornatylyp, jaıaý júrginshi aımaqtary keńeıýde, kóleńkeli keńistik qalyptastyrý úshin jasyl jelek otyrǵyzylyp, jańa sýburqaqtar salynýda.