Bul týraly Qazaqstan Respýblıkasynyń Konstıtýsıasy kúnine arnalǵan saltanatty jıyn barysynda Almaty ákimi Baýyrjan Baıbek aıtty.

Megapolıs ákimi Elbasynyń bastamasy aıasyndaǵy «7-20-25» baǵdarlamasy boıynsha Almatyda 5,1 mlrd. teńgege turǵyn úı nesıesiniń 36%-y berilgenin atap ótti. Onyń ústine elimizde usynylǵan 1,5 myń páterdiń 40% -y da osynda.

«Elbasynyń «Bes áleýmettik bastamasy» boıynsha taıaýdaǵy úsh jyl ishinde 37 jataqhana salynady. Qazirdiń ózinde 4 myń oryndy 7 nysannyń qurylysy bastaldy. Olardyń tórteýi bıylǵy jyly paıdalanýǵa beriledi. Óz kezeginde «Nurly jer» memlekettik baǵdarlamasy qalada turǵyn úı salý deńgeıin 7,5%-ǵa deıin kóterdi. Bul osy jyldyń 7 aıy ishinde 1 mln. sharshy metrden astam úı salynǵanyn kórsetedi», - dǵep atap ótti Baýyrjan Baıbek.

Aıta keterligi, «Almaty jastary» qalalyq turǵyn úı baǵdarlamasy boıynsha sońǵy eki jylda Almaty ákimdigi 3 mlrd. teńge bóldi. Eger ótken jyly 100-den astam jas otbasylar jeńildetilgen jaǵdaıda páter alsa, bıylǵy jyly 200 páter bólinetin bolady.