Ortalyq komýnıkasıalar qyzmetinde «100 jańa esim» jobasynyń jańa kezeńine qatysýshy úmitkerlerdi Qazaqstan boıynsha irikteýge arnalǵan baspasóz-konferensıasy ótti, dep habarlaıdy Qamshy.kz aqparat agenttigi Baq.kz saıtynyń deregin negizge alyp. 

Sharaǵa «Qazkontent» AQ basqarma tóraǵasy Evgenıı Kochetov, «Bolashaq» RQ jáne JQB «Jastarúni» tóraǵasy Dáýren Babamýratov, "Qazaqstannyń Azamattyq Alánsy" ZTB-niń dırektory Gamal Túzelbaev, Qazaqstan Respýblıkasy Kásipodaqtar federasıa tóraǵasynyń orynbasary Erlan Saırov jáne «Bolashaq» qaýymdastyǵy keńesiniń dırektory Laýra Demesinova qatysty.

«Bıyl da «100 jańa esim» jobasy Qazaqstandaǵy erekshe talanty men tulǵalyq sıpatqa ıe adamdardy izdep, jobaǵa belsene qatysýǵa shaqyrady. Atalǵan joba kásibı salada jetistikke jetken, óz dara joly ózgege úlgi bolatyn adamdarǵa arnalǵan» - deıdi Erlan Saırov.

Al osy jylǵy konkýrsqa qatysýshylarǵa qoıylatyn talaptyń ótken jylǵymen salystyrǵanda kóp ózgesheligi joq.

«Negizinen jeke kásip ıelerine, jekelegen óndiris oryndaryna aıryqsha mán berip otyrmyz. Bul konkýrsqa qatysýshy tulǵanyń tanylýyna, jarnamasynyń júıeli júrgizilýine yqpal etedi dep oılaımyz» - deıdi Dáýren Babamurat.

Esterińizge sala keteıik, ekinshi maýsymǵa qatysqysy keletinder myna jerden tirkele alady.