Almatyda Qazaqstan Respýblıkasynyń Konstıtýsıasy kúnine arnalǵan «Qazirgi qazaqstandaǵy etnosaralyq jáne konfesıaaralyq kelisim modeli» atty Almaty qalalyq ǵylymı-ádistemelik konferensıasy ótti.

2018 jylǵy 29 tamyzda Ál-Farabı atyndaǵy Qazaq ulttyq ýnıversıteti kitaphanasynyń májilis zalynda Almaty qalasy Din isteri jónindegi basqarmasynyń memlekettik áleýmettik tapsyrysy aıasynda «Qazaqstan Respýblıkasyndaǵy lańkestik jáne ekstremızm máselelerin zertteý ortalyǵy» QQ uıymdastyrýymen Qazaqstan Respýblıkasynyń Konstıtýsıasy kúnine arnalǵan «Qazirgi qazaqstandaǵy etnosaralyq jáne konfesıaaralyq kelisim modeli» atty Almaty qalalyq ǵylymı-ádistemelik konferensıa ótti.

Konferensıanyń maqsaty: qazirgi Qazaqstandaǵy etnosaralyq jáne dinaralyq kelisim modelderin qalyptastyrýdyń konstıtýsıalyq negizderin Qazaqstan Respýblıkasyndaǵy zaıyrlylyq prınsıpterin túsindirý jáne nasıhattaý, dástúrli dinderdiń qundylyqtaryn dáripteı otyryp, jastardyń rýhanı adamgershiligin qalyptastyrý, turǵyndar arasynda tolerantty sanany qalyptastyrý, jastar arasynda etnosaralyq jáne konfesıaaralyq keleńsizdikterge jol bermeý.

Konferensıaǵa Almaty qalasy Din isteri jónindegi basqarma basshysynyń orynbasary Qıqymov N.M., «Qazaqstan Respýblıkasyndaǵy lańkestik jáne ekstremızm máselelerin zertteý ortalyǵy» QQ quryltaıshysy Bıshmanov K.M., ál-Farabı atyndaǵy QazUÝ Fılosofıa jáne saıasattaný fakúltetiniń dekany, fılosofıa ǵylymdarynyń doktory, profesor Masalımova Á.R., QR BǴM ǴK Fılosofıa, saıasattaný jáne dintaný ınstıtýty dintaný bóliminiń meńgerýshisi, «Dintanýshylar kongresi» QB tóraǵasy, fılosofıa ǵylymdarynyń doktory, profesor Satershınov B.M., Ál-Farabı atyndaǵy QazUÝ dintaný jáne mádenıettaný kafedrasynyń meńgerýshisi, «Dintanýlyq zertteýler jáne ekspertıza ortalyǵynyń» dırektory Qurmanalıeva A.D., din salasyndaǵy aldyńǵy qatarly mamandar jáne stýdentter qatysty.