Qıly-qıly zaman bolar,
Qaraǵaı basyn shortan shalar.
Allaǵa bezip, adam qor bolar,
Tabynǵandary ǵalamtor bolar. 
Kórgeni Dress kod bolar, 
Ergeni flesh mob bolar. (Móńke bı aıtqysy kelgen, biraq aıtpaǵan)
***
On jylda ne ózgerdi? Bilemisiz? 
Úderis baıqaımysyz únemi siz?
"Ólsem ornym qara jer, syz" deýshi edi, 
Bul kúnde tirilerdiń júregi syz.
***
On jylda Anamyzdyń tili ózgerdi, 
Jasandy ánshilerdiń úni ózgerdi. 
Erkekke syrǵa taǵyp, shashyn boıap, 
Shyǵardyq tórimizge kil ezderdi. 
***
On jylda atamyzdyń dini ózgerdi,
Óıtkeni, qulshylyqtyń túri ózgerdi. 
Alla dep "Kreshenıede" sýǵa túsken,
Musylmanǵa munafıq minez keldi.
***
On jylda qyz ózgerdi, ul ózgerdi,
Bas árpi Mılısıanyń P -ǵa ózgerdi. 
Penısin tejemeıtin pedofıl men, 
Denısin óltirgendi bu kóz kórdi.
***
Botekspen essiz qyzdyń erini ósti, 
Jasandy sılıkonmen jelin ósti.
Kelinniń sáýkelesi mazaq bolyp, 
Qazaqtyń saǵy synyp, kóńili óshti. 
***
Umytyp babasynyń aıran, qurtyn,
Talaılar salt-sanadan taıǵan bul kún. 
Jelige onjyldyǵyn jarysa sap, 
Jeligip jatqan meniń, qaıran jurtym...

Balgynbek Imashulynyń feısbýk paraqshasynan