Osy jyldyń naýryz aıynda ótkiziletin Ulttyq biryńǵaı testilýge ótinish qabyldaý aıaqtaldy, dep habarlaıdy Qamshy.kz aqparat agenttigi Ulttyq testileý ortalyǵyna silteme jasap.

«Aǵymdaǵy jyldyń 1 - 15 aqpan aralyǵynda respýblıka boıynsha naýryz aıynda ótkiziletin Ulttyq biryńǵaı testileýge ótinish qabyldaý 154 UBT ótkizý pýnkterinde júrgizildi.

UBT-ǵa qatysýǵa nıet bildirgen túsýshiler sany 80042 quraıdy, onyń ishinde – 62678 qazaq, 17086 orys, 278 aǵylshyn tilinde tapsyrady.

UBT Qazaqstan Respýblıkasy Bilim jáne ǵylym mınıstriniń 2017 jylǵy 2 mamyrdaǵy №204 buıryǵymen bekitilgen Ulttyq biryńǵaı testileýdi ótkizý qaǵıdalaryna sáıkes aǵymdaǵy jyly 24 - 29 naýryz aralyǵynda ótkiziledi. UBT-ǵa aǵymdaǵy jyly jalpy bilim beretin oqý baǵdarlamalaryn meńgergen bilim berý uıymdarynyń bitirýshileri qatysady».

Eske sala ketsek, ústimizdegi jyldyń 18-20 qańtar kúnderi ótken alǵashqy ulttyq biryńǵaı testileý ótkizilgen bolatyn. Alǵashqy bilim synaǵyna elimiz boıynsha 34 687 talapker qatysty. Onyń 9-y múmkindigi shekteýli jan. Qatysýshylardyń sanaty kelsek, 29 789 – 11 (12) synyp oqýshylary, 3 268 – shartty túrde túskender, 2 781 – shyǵarmashylyq mamandyqtan basqa mamandyqqa aýysýshylar.

Testileý synaǵyna 35 838 talapkerden ótinish túsip, onyń 25 615 qazaq tilinde, 10 162 orys tilinde jáne 61 aǵylshyn tilinde tapsyrdy. Qysqy UTB nátıjesinde 24 012 (69%) túlek belgilengen shekti deńgeıden ótti, al 10 675 (31%) tıisti 50 baldy jınaı almady.

Usynǵan: Maqpal Sembaı