Túrkıanyń Qazaqstandaǵy elshiligi Mádenıet jáne aqparat basqarmasynyń derekterine súıensek, 2018 jyly Túrkıada bolyp qaıtqan týrıser sany 39 mıllıon 488 myń 401 adamǵa deıin jetti. Túrkıaǵa asa qyzyǵýshylyq tanytatyndardyń kóshin reseılikter, nemister men aǵylshyndar bastap tur. 2019 jyly biz kem degende 50 mıllıon týrıs kórsetkishine qol jetkizýge nıettimiz. 2018 jyly Túrkıa Qazaqstannan barǵan 430 myńǵa jýyq týrısi qabyldady, dep jazady Qamshy.kz aqparat agenttigi ttjk.kz saıtynyń deregin negizge alyp.

Teńiz týrızmimen qatar, Túrkıa jyl boıy qysqy týrızm, mádenı týrızm, taý týrızmi, dalalyq týrızm, sport týrızmi, gastronomıalyq týrızm, saýda týrızmi, saýyqtyrý týrızmi, kongres týrızm, otaý qurý týrızmi jáne t.b. ártúrli baǵyttar boıynsha týrıserdi qabyldaıdy. Dúnıejúzilik týrızm uıymynyń (IýNVTO) derekterine sáıkes, Túrkıa Eýropadaǵy týrıser eń kóp keletin alǵashqy úl eldiń, álemdegi alǵashqy on eldiń qatarynda kiredi. 2018 jyly Túrkıaǵa baryp qaıtqan reseılik týrıser sany 5 mln 964 myń 613 adamdy qurady. Sonymen qatar, osy jyly Túrkıaǵa Germanıadan 4 mln 512 myń 360 týrıs kelgen. Túrkıanyń álemniń 100-den astam elinen týrıserdi ózine tarta alǵanyn atap ótý kerek. Bul tizimdi Reseı men Germanıadan kelgen týrıser bastap tur, budan keıin Ulybrıtanıa, Bolgarıa, Grýzıa, Iran, Ýkraına jáne t.b. elder ornalasqan. 2017 jyly Túrkıa jalpy sany 33 mln týrısi qabyldaǵan. 2018 jyly týrıser aǵyny 22 %-ǵa artyp, shamamen 40 mln adamdy qurady. 2018 jyly Qazaqstannan Túrkıaǵa barǵan týrıser sany da 2017 jylmen salystyrǵanda ulǵaıyp, 426 myń 916 adamdy qurady. Aǵymdaǵy jyly týrıser sany 50 mln adamǵa jetedi dep kútilýde. Degenmen, 2019 jyldyń alǵashqy úsh aıyndaǵy derekterdi nazarǵa alatyn bolsaq, týrıser sany bul kórsetkishten asyp túsýi ábden múmkin. Túrkıa Respýblıkasynyń Nur-Sultandaǵy (Astana) elshiliginiń Mádenıet jáne aqparat isteri jónindegi keńesshisi Nýrı Shımshekler týrızm sektorynyń elge tabys ákeletin asa mańyzdy element bolyp tabylatynyn málimdedi, sondaı-aq búgingi kúni qol jetkizilgen jetistiktiń birneshe jyl burynǵy kásibı daıyndyq pen ınvestısıalardyń jemisi ekenin aıtyp ótti. Nýrı Shımsheklerdiń aıtýynsha, bul jetistikke Túrkıada birneshe jyl buryn júzege asyryla bastalǵan týrısik saladaǵy kóregen saıasat pen jumsalǵan ınvestısıalardyń arqasynda qol jetkizildi. Buǵan qosa, ol Túrkıanyń jaz mezgilindegi teńiz týrızmimen qatar, ártúrli ózge týrısik baǵyttardy damytyp kele jatqanyn, munyń týrıserdi búkil jyl boıy qabyldaýǵa múmkindik beretinin alǵa tartty. Sonymen qatar, Nýrı Shımshekler myrza týrıserdiń shamamen 12 myń jyl buryn salynǵan, Shanlyýrfa qalasynda ornalasqan álemdegi eń kóne qonys Góbeklı-Tepe, sondaı-aq Koná qalasynda 9 myń jyl buryn irgetasy qalanǵan iri qonys Chatalhóıúk sıaqty mádenı turǵydan qundy ártúrli tarıhı oryndarǵa asa qyzyǵýshylyq tanytatynyn aıtty. Keńesshiniń sózinshe, Túrkıa týrıser eń jıi keletin elderdiń kóshin bastap, álemniń ártúrli 110 elinen kelgen týrıserdi qabyldaǵan. Túrkıaǵa ádettegi demalys úshin keletin týrıserden bólek, jyl saıyn bul elge ártúrli elderdiń basshylary, mınıstrler, álemge tanymal ártister, tanymal sport klýbtarynyń ókilderi jáne basqa da joǵary deńgeıli qonaqtar keledi. «Túrkıada qoǵamnyń kez kelgen sanatyndaǵy, búdjeti ártúrli týrıserdiń demalýy úshin san alýan múmkindikter qarastyrylǵan. Týrızm sektorynyń elimizdiń búdjetine belgili bir tabys ákeletinine qaramastan, biz úshin týrızm, eń áýeli, bizdiń qonaqjaılylyǵymyzdy kórsetý jáne baı mádenıetimizdi dáripteý quraly bolyp tabylady», – dedi Nýrı Shımshekler. 15 – 22 sáýir aralyǵynda Dúnıejúzilik týrızm aptasynyń ótkizilýine oraı, Nýrı Shımshekler týrısik sektorda eńbek etetin barlyq jumyskerlerdi, ásirese Túrkıa men Qazaqstandaǵy jumyskerlerdi quttyqtady. Teńiz týrızmimen qatar, Túrkıa jyl boıy qysqy týrızm, mádenı týrızm, taý týrızmi, dalalyq týrızm, sport týrızmi, gastronomıalyq týrızm, saýda týrızmi, saýyqtyrý týrızmi, kongres týrızm, otaý qurý týrızmi jáne t.b. ártúrli baǵyttar boıynsha týrıserdi qabyldaıdy.