Memleket basshylary Qazaqstandaǵy ózbekter men Ózbekstandaǵy qazaqtardyń etnıkalyq, tildik jáne halyqtyq mádenıetti nyǵaıtýǵa ýaǵdalasty.

Qazaqstan prezıdenti Qasym-Jomart Toqaev pen Ózbekstan kóshbasshysy Shavkat Mırzıeev shekarany demarkasıalaý úderisi sátti júzege asyp jatqanyn aıtty. Kezdesý barysynda birqatar áńgimeler aıtylyp, Toqaev Ózbekstan lıderin Qazaqstanǵa shaqyrdy.

"Memleket basshylary qazaq-ózbek shekarasynyń demarkasıalaý barysyn talqylap, jiberilý pýnktin naqtylap, shekara boıynda ornalasqan eldi-mekenderdiń ómiri týraly sóz etisti. Sondaı-aq, ekonomıkalyq baılanystar men gýmanıtarlyq araqatynasty nyǵaıtý úshin ekijaqty barys-kelis mólsherin kóbeıtýge ýádelesti", - dep kórsetilgen Aqorda saıtynda.

Qos kóshbasshy eki el arasyndaǵy kelisimdik-quqyqtyq bazany keńeıtý jónindegi nıetterin ortaǵa saldy. Sonymen qatar, 2020 jylǵa deıin ekijaqty saýda kólemin 5 mıllıard dollarǵa deıin arttyrýdy kózdeıtinderin jetkizdi. Sondaı-aq, qorǵanys jáne áskerı-tehnıkalyq aýqymda, kosmostyq zertteý baǵytynda tize qosyp jumys jasaý týraly talqylandy.

Eske sala keteıik, Qazaqstan prezıdenti Qasym-Jomart Toqaev ústimizdegi jyldyń 14-15 sáýirinde Ózbekstanǵa memlekettik saparmen barǵan. Keńeıtilgen otyrysta kórshiles elder arasyndaǵy yntymaqtastyq, ekonomıkalyq baılanys jáne taǵy da basqa máseleler sóz boldy.