"Atameken" ulttyq kásipkerler palatasynyń basqarma tóraǵasy Abylaı Myrzahmetov prezıdenttiń qatysýymen ótken ulttyq qoǵamdyq senim keńesiniń otyrysynda áıelderdiń zeınet jasyn tómendetý ıdeıasy aıtylǵanyn eske saldy, dep jazady Qamshy.kz aqparat agenttigi sputniknews.kz saıtyna silteme jasap. 

Myrzahmetov tek zeınet jasyn tómendetýmen júıeniń problemalaryn sheshý múmkin emes ekenine senimdi. Ony tolyq reformalaý kerek.

"Prezıdent vıse-premer Saparbaevtyń basshylyǵymen top qurýdy tapsyrdy. Biz barlyq tólemdi biryńǵaı áleýmettik salyqqa biriktirip, onyń stavkasyn tómendetýdi usynamyz. Sebebi qazir jalaqyǵa úlken salmaq túsip jatyr", - dedi Myrzahmetov.

Sondaı-aq, Ulttyq kásipkerler palatasy basqarma tóraǵasynyń pikirinshe, osy salanyń barlyq reformasy jan-jaqty tekserilgen bolýy tıis. Sebebi qazir memlekettiń halyq aldyndaǵy áleýmettik mindettemeleri az emes.