Medısına ǵylymynyń doktory Jaqsylyq Dosqalıev temir torǵa qamalǵandaǵy jan aıhaıy týraly aıtyp berdi,- dep habarlaıdy Qamshy.kz aqparat Ulttyq arnasynyń «Tulǵa» atty derekti fılmine silteme jasap.

«Jalǵyz ózim bir kamerada segiz aı otyrdym. Sol jalǵyzdyq maǵan ótip ketti. Tipti, ótip ketkeni sonshalyq, torǵaılarmen áńgimelesetin boldym. Keıbir aıtyp júrgen sózderdi de umyttym. Qorlyq deýge de, adamǵa syn deýge de bolady. Eń jamany – sol jalǵyzdyq. Túrmede jalǵyz qalý – eń aýyr jaza. Qazaq «Jalǵyzdyń úni shyqpas» dep beker aıtpaǵan. Solaı dep túsinemin", - deıdi profesor.

Jaqsylyq Aqmyrzaulyna aýyr soqqy boldy. Boıdaǵy erik pen jigeri azamatty turǵyzdy. Sol sátte qastyq qylǵandar tabalaǵanymen, azamattyń biliktiligine kir keltire almady.

"Qıyndyq kezinde qasynda boldyq. Ózgertti. Jalpy ómirge kózqarasy ózgerdi. Kóringen adamǵa senbeıdi. Maǵan da dos retinde "Bul zamanda eshkimge senýge bolmaıdy" dep aqyl-keńesin aıtady", - deıdi dosy R. Arystan.