AQSH-tyń ádilet mınıstrligi ótken sársenbi kúni 51 jastaǵy Saırýs Ahsanı men 46 jastaǵy Saman Ahsanı naýryz aıynda munaıgaz kompanıalarynyń múddesi úshin shetelderde korrýpsıa jasaǵanyn moıyndady dep málimdedi.

Málimetke qaraǵanda, olar 1999- 2016 jyldar aralyǵynda Aljır, Angola, Ázerbaıjan, Kongo demokratıalyq respýblıkasy, Iran, Irak, Qazaqstan, Lıvıa jáne Sırıa elderiniń sheneýnikterimen korrýpsıalyq áreketke barǵan. Bul jóninde Reuters agenttigi AQSH prokýrorlaryna silteme jasap habarlady.

Ázirge Qazaqstandaǵy qandaı kompanıalar men sheneýniktermen kelissóz júrgizilgeni belgisiz. Qazaqstan bıligi de bul máselege túsinikteme bermedi.

Aǵaıyndy Ahsanılarǵa sot úkimi kelesi jyldyń 20 sáýirinde shyǵýy tıis. Ekeýi de bedeldi Ahsanı otbasynyń múshesi. Unaoil kompanıasynyń negizin Irannan kelgen emıgrant Atoı Ahsanı salǵan.