5 aqpanda Nur-Sultan qalasyndaǵy dámhanalardyń birinde kóp balaly analar byltyr órtten qaza bolǵan bes sábıge arnap, as berdi. Oǵan júzge jýyq adam jınaldy. Arasynda ákimdik ókilderi de boldy dep jazady Qamshy.kz aqparat agenttigi Azattyqtyń deregin negizge alyp. 

Analardyń aıtýynsha, ımam shaqyryp, quran oqytýǵa qajetti shyǵyndy ózderi kótergen. Árkim jaǵdaıyna qaraı 500,1000, 2000 myń teńgeden qosylǵan.

Ótken jyly 4 aqpanǵa qaraǵan túni astana mańyndaǵy Kóktal-1 yqshamaýdanynda kómirmen jylynatyn jer úıden órt shyǵyp, bir otbasynyń bes qyzy qaza bolǵan. ​Qaıǵyly oqıǵa qazaqstandyqtardyń memlekettik áleýmettik saıasatqa qatysty ashý-yzasyn týǵyzdy.

Nur-Sultan men óńirlerdegi kópbalaly analar áleýmettik qoldaýdyń jetkiliksizdigin aıtyp, narazylyqqa shyqty.​ Keıinirek úkimet kóp balaly otbasylarǵa beriletin áleýmettik kómek túrlerin kóbeıtken.

El astanasynda bolǵan qaıǵyly oqıǵadan keıin týra bir jyldan soń, uqsas jaǵdaı Almaty túbindegi aýylda qaıtalandy. Aqpannyń 3-i kúni Óstemir aýylynda bolǵan órtten úsh jáne tórt jastaǵy eki bala qaza tapty. Ata-anasy bul kezde úıde bolmaǵan: ákesi qalaǵa jumys izdeýge, al anasy uly men qyzyn syrtynan jaýyp, dúkenge ketken.​