Petropavlda Smırnovo aýylynyń polısıa qyzmetkeri sýısıd jasady. Bul týraly pkzsk.info saıty habarlady. 

Basylymnyń málimetinshe, oqıǵa 15 aqpanda bolǵan. Kámeletke tolmaǵandardyń isteri jónindegi ınspektory 29 jastaǵy Asqar Nazyrov óz-ózine qol jumsaý úshin oblys ortalyǵynan páter jaldaǵan.

SQO polısıa departamentiniń baspasóz qyzmeti polıseılerdiń qaza bolý faktisin rastady.

"15 aqpanda oblys ortalyǵynyń jaldamaly páterinde aýdan ortalyǵynyń 1991 jyly týǵan turǵyny óz-ózine qol jumsady. Atalǵan derek QR QK-niń 105-baby boıynsha sotqa deıingi tergeýdiń biryńǵaı tizilimine engizildi. Aqqaıyń APB qyzmetkeriniń ózine-ózi qol jumsaýy faktisi boıynsha ózindik qaýipsizdik basqarmasy qyzmettik tekserý taǵaıyndaǵan. Tergeý jumystary SQO JP bastyǵy polısıa polkovnıgi Marat Tólebaevtyń jeke baqylaýynda", - dep habarlady polısıa ókilderi.

Sondaı-aq óz-ózine qol jumsaǵan polıseıdiń áriptesi zhalobakz.com saıtyna anonımdi túrde "Asqar Nazyrov pen basshylyqtyń arasynda keleńsizdikter bolǵanyn" jazǵan. 

Asqar Nazyrov búgin Smırnovo qalasynyń Aqqaıyń aýdanynyń ortalyǵynda jerlendi.