Almaty qalasy qoǵamdyq densaýlyq saqtaý basqarmasynyń basshysy Tileýhan Ábildaev qalada koronavırýsqa shaldyqqandardyń ishinde UQK shekara qyzmeti shekara ýchılıshesiniń 54 kýrsanty baryn málim etti.

Onyń sózinshe, bastapqyda 14 kýrsanttan vırýs anyqtalǵan. Artynsha olardyń sany 54-ke jetken.

İndetke shaldyqqan kýrsanttardyń barlyǵy ınfeksıalyq aýrýhanaǵa jatqyzylǵan. Jaǵdaılary qanaǵattanarlyq.

Sondaı-aq qala boıynsha Sovid-19 indetin juqtyrǵan medısınalyq qyzmetkerlerdiń jalpy sany 234-ke jetken. Olardyń arasynda qalalyq ortalyq aýrýhananyń 193 medısınalyq-sanıtarlyq qyzmetkeri, qalalyq balalar klınıkalyq juqpaly aýrýlar aýrýhanasynyń 31, №7 Qalalyq klınıkalyq aýrýhananyń 2 qyzmetkeri, jedel medısınalyq járdemniń 3 qyzmetkeri, №12 qalalyq emhananyń 3 qyzmetkeri, №11 jáne №32 qalalyq emhanalardyń bir-bir qyzmetkeri bar.