30-ǵa jýyq qaryz alýshy birqatar talaptarmen Almaty ákimdiginiń ǵımaratyna bardy, dep habarlady Vlast.kz .

Olardyń talaptarynyń ishinde karantındik sharalardy alyp tastaý jáne qaryzdardy qaıtarýǵa bolatyndaı jumystarmen qamtamasyz etý sharalary bar. Qala ákiminiń orynbasary Saparbek Tuıaqbaev jınalǵandardy qarsy alyp, aıtylǵan ýájderdi qarastyrýǵa ýáde berdi. Sonymen qatar ákimdiktiń qyzmetkerleri mıtıńige shyqqan belsendilerden qashyqtyq pen maska rejımin saqtaýdy surady.

Mıtıńige qatysqandar Almatyda uzaq ýaqytqa sozylǵan karantın sharalarynyń saldarynan kıyn jaǵdaıǵa túsken qaryz alýshylar. Olar ákimdik qyzmetkerlerine máseleni sheshýge kirisýdi suraǵan, óıtkeni jınalǵandardyń kóbisiniń múlikterin bank "tartyp ala bastaǵan".

Sondaı-aq, belsendiler ákimdikke birqatar talaptar qoıdy. Olardyń ishinde Takeeva atty azamat Almatyda karantın sharalaryn alyp tastaý qajettigin atap aıtty. Óıtkeni karantın ýaqytynda qaryz alýshylar kóp zardap shegedi.

Qatysýshylar sonymen birge qaryzdardy ýaqytynda qaıtarý úshin olardy jumyspen qamtamasyz etýdi talap etti.