Mańǵystaýda 5736 oqýshy UBT-ǵa qatysady. Bıylǵy oqý jylynda Mańǵystaý oblysynda 6365 oqýshy mektep bitiredi. Onyń ishinde 5931-i kúndizgi mekteptiń, 434-i keshki mekteptiń túlekteri.

UBT-ǵa 5736 oqýshy qatysady (onyń ishinde bıylǵy bitirýshi túlekterdiń 5448-i (85,6%), buryn mektep bitirgen 246 túlek pen kolejderdiń 42 túlegi).

UBT respýblıka boıynsha 21 maýsym – 5 shilde aralyǵynda ótedi.
Oblysta 4 UBT ótkizý pýnktteri bar (UBTÓP), olar Aqtaý, Jańaózen, Beıneý, Mańǵystaý aýdandarynda ornalasqan.

Shalǵaı aýyldarda turatyn 1034 balaǵa mektep avtobýstarymen tasymal uıymdastyrylady (Mańǵystaý - 270, Qaraqıa – 134, Munaıly -562, Jańaózen - 68).

Bıylǵy jyly UBT ótkizý jumystary eki baǵytta uıymdastyrylýda:
Birinshisi, pandemıa kezindegi qatysýshylardyń qaýipsizdigi, bul rette UBT ǵa qatysýshylar 5 kezeńnen turatyn dezınfeksıalaýdan ótkiziledi.

- dezınfeksıalyq tonnelden ótý;
- arnaıy dezınfeksıalanǵan kilemshede aıaq kıimderin zararsyzdandyrý;
- qoldaryn arnaıy suıyqtyqtarmen zarasyzdandyrý;
- dene qyzýlaryn ólsheý;
- bir rettik masqalar qoldaný.
Búginde barlyq UBTÓP-ter jergilikti búdjet esebinen atalǵan qurylǵylarmen qamtamasyz etildi.
UBT – ge kirgizý kezinde qatysýshylar barıkadalyq lentalarmen bólingen arnaıy belgilengen oryndarda turady.
Otyrý oryndarynyń arasyndaǵy 2 metr ara qashyqtyqty saqtaý úshin qatysýshylar 30 lekke bólip kirgizilipp, 54 aýdıtorıada 50% tolymdylyqpen otyrǵyzylady (2019 j. – 51 aýd. – 11 lek).
Adamdardyń shoǵyrlanýyn boldyrmaý maqsatynda ata-analardyń UBT pýnktterine kelýine tyıym salynady.
Ata-analar UBT barysyn onlaın rejımde Youtube kanalynan qaraı alady.
Bıylǵy UBT ýaqyty 10 mınýtqa uzartyldy, ol ýaqyt maskalar aýystyrý, dezınfeksıalaý jáne dene qyzýyn ólsheýge arnalady.
Sonymen qatar, UBTÓP ter jedel járdem qyzmeti, tótenshe jaǵdaılar jáne quqyq qorǵaý organdary qyzmetkerlerimen qamtamasyz etiledi.
Ekinshisi – UBT nátıjeleriniń ashyqtyǵyn qamtamasyz etýge baǵyttalady. Barlyq aýdıtorıalar ortalyq translásıaǵa qosylatyn beınebaqylaý júıeleri, uıaly baılanysty tunshyqtyrǵysh qurylǵylar, metal izdegishtermen tolyq qamtamasyz etildi.
Bıylǵy jyly UBT ótkizý qaǵıdalaryna ózgeris men tolyqtyrýlar engizildi.
UBT ǵa qatysýshy osy qaǵıdanyń talaptaryn buzǵan jaǵdaıda testileýge kirgizilmeıdi jáne aýdıtorıadan shyǵarylady, testileý nátıjeleri joıylady.
Qatysýshy sol testileýge jáne aǵymdaǵy jylǵy testileýge jiberilmeıdi.
UBT tapsyrýshylarǵa qoıylatyn talaptar:
- aýdıtorıadan dáliz kezekshisiniń mindetin atqaratyn QR BǴM ókiliniń ruqsatynsyz jáne alyp júrýinsiz shyǵýǵa;
- sóılesýge, oryn aýystyrýǵa;
- kálkýlátordy, anyqtamalyq ádebıetterdi (Mendeleev jáne tuzdardyń erigishtigi kestesinen basqasyn), elektrondyq jazba kitapshalaryn, túzetý suıyqtyǵyn jáne mobıldik baılanys quraldaryn paıdalanýǵa;
- testileý materıaldarymen almasýǵa;
- testileý materıaldaryn aýdıtorıadan shyǵarýǵa;
- testileý materıaldaryn (jaýap paraǵy men kitapshalar) ýmajdaý arqyly búldirýge;
- korektor suıyqtyǵyn qoldanýǵa, betterdi jyrtýǵa, boıaý qarastyrylmaǵan sektorlardy (jaýap paraǵynyń nómiri) boıaýǵa.
UBT ǵa qatysýyshlar tesileýge kirer aldynda qaǵıdanyń talaptary kórsetilgen jadynamaǵa tanysady jáne qol qoıady.