Qazaqstan senatynyń eks-spıkeri Darıǵa Nazarbava el astanasyndaǵy "Qamqorlyq" kovorkıng ortalyǵynyń jumysymen tanysyp júr. Bul aqparatty Nursultan Nazarbaev qorynyń baspasóz qyzmeti habarlady.
Qazir Darıǵa Nazarbaeva – Qazaqstandy 30 jylǵa jýyq úzdiksiz bılegen óziniń ákesi Nursultan Nazarbaev atyndaǵy dál osy qordyń dırektory.
Qor baspasóz qyzmeti taratqan habarlamaǵa qaraǵanda, Nazarbaeva barǵan kovorkıng ortalyqta kópbalaly, jalǵyz basty analar, erekshe kútimdi qajet etetin balalardy tárbıeleıtin áıelder, az qamtylǵan azamattar jáne aýyr turmystyq jaǵdaıda ómir súretin balalar, múgedekter oqytylady.
Ortalyq qyzmeti Nur-Sultan qalasynyń ákimdigi men Nursultan Nazarbaev qorynyń birlesýimen iske qosylǵan.
Al Darıǵa Nazarbaeva ortalyqtyń materıaldyq-tehnıkalyq bazasymen tanysyp, kabınetterdi qarap shyqqan.
Darıǵa Nazarbaeva mamyr aıynda senat tóraǵalyǵynan ketkeli beri eshqandaı qyzmetke taǵaıyndalǵan joq. Maýsym aıynyń sońynda áleýmettik jelide onyń birneshe adammen birge belgisiz ıahtada ándetip, bılep júrgen vıdeosy taraǵan.
Pikir qaldyrý