Premer-mınıstr Asqar Mamınniń koronavırýsqa shaldyqqany týraly aqparat – jalǵan. Bul týraly úkimet basshysynyń baspasóz qyzmeti habarlady.

"Jekelegen Telegram-kanaldarda jarıalanǵan premer-mınıstr Asqar Mamınde koronavırýs anyqtalǵany jónindegi aqparat feık jáne shyndyqqa janaspaıdy.

Qazirgi ýaqytta Úkimet basshysy kestege saı jumysyn jalǵastyrýda jáne 10 shilde kúni memleket basshysynyń qatysýymen ótetin QR úkimetiniń keńeıtilgen otyrysyna daıyndyq júrgizýde. Premer-mınıstrdiń baspasóz qyzmeti resmı derekkózderdiń aqparatyna ǵana senýge shaqyrady" delingen málimette.

Aıta keteıik, buǵan deıin Qazaqstanda elbasy Nursultan Nazarbaev, depýtat Bekbolat Tileýhan, Almaty oblysynyń ákimi Amandyq Batalov, memleket basshysynyń baspasóz hatshysy Berik Ýálı jáne taǵy basqa da sheneýnikter vırýs juqtyrǵan.