Mańǵystaý oblysynyń ákimi Serikbaı Trumov oblysta 500-ge jýyq dáriger jetispeıtinin habarlady, dep jazady coronavirus2020 telegram-kanaly.

– Qalypty jaǵdaıdyń ózinde de 300-ge jýyq dáriger jetispeıtin. Jospardan tys halyqtyń kelýine baılanysty qazirdiń ózinde 500-ge tarta dáriger jetispeıdi. Búgingi kúni medısınalyq mamandardyń jumys kólemi artyp otyr. Em alý sharalaryna 200 medısınalyq qyzmetker jumyldyryldy. Óńirde reanımatologtar, ınfeksıonıstter, terapevtter jáne jalpy praktıka dárigerleri tapshy. Reseılik 5 mamannyń óńirge kelýi kútilýde. Jáne Jańaózen qalasyna da qosymsha 3 dáriger maman jiberiletin bolady, –  dedi Serikbaı Trumov. 

Onyń sózinshe, oblysta buǵan deıin 95 ókpeli jasandy jeldetý apparaty bolǵan.

– "MańǵystaýMunaıGaz" AQ – 20 apparat, "NCOC" kompanıasy –  20 apparat alyp bermek. Maýsym aıynda olardyń 12-si keldi, Qalǵan 8-i 15-20 shilde aralyǵynda kelýi kerek. "Kazmortransflot" kompanıasy 20 ottegi konsentratorlaryn satyp alýǵa demeýshilik kórsetpek. Jergilikti búdjet esebinen qosymsha 30 ottegi konsentratorlary satyp alynýda, –  dedi ákim. 

Serikbaı Trumov oblysta jedel járdemge kúnine 700-deı shaqyrtý túsetıinin aıtty.