Prezıdent Qasym-Jomarat Toqaevtyń qatysýymen Úkimettiń keńeıtilgen otyrysy bastaldy. Bul týraly prezıdenttiń baspasóz hatshysy Berik Ýálı habarlady. Vıdeobaılanys rejıminde ótip jatqan otyrys tikeleı efırden kórsetilip jatqan joq.
"QR Prezıdenti Q.TOQAEV: "Búgin biz koronavırýs indetine qarsy qabyldanyp jatqan sharalarǵa qatysty máselelerdi qaraımyz. Sonymen qatar, bıylǵy birinshi jartyjyldyqtaǵy Elimizdiń áleýmettik-ekonomıkalyq damýyn qorytyndylaımyz.
Jyl basynan beri ulttyq ekonomıka kúrdeli jaǵdaıda damyp keledi. El ekonomıkasy jalpy 1,8 paıyzǵa tómendedi. Pandemıaǵa baılanysty qyzmet kórsetý salasy aıtarlyqtaı quldyrady (5,6 paıyz). Halyqty jáne bıznesti qoldaý úshin asa mańyzdy sharalar qabyldadyq. Meniń tapsyrmam boıynsha Ekonomıkalyq ósimdi qaıta qalpyna keltirý jóninde keshendi jospar qabyldandy.
Búgin Úkimet pen ákimderdiń ekonomıkalyq ósimdi qalpyna keltirý jáne halyqtyń ál-aýqatyn qamtamasyz etý jóninde qabyldaǵan sharalaryn talqylaımyz.
Búgingi jıynnyń jumysyn mynadaı tártippen júrgizýdi usynamyn:
Elimizdiń áleýmettik-ekonomıkalyq damýynyń qorytyndylary men jyl sońyna deıin oryndaıtyn mindetter jóninde Premer-Mınıstr Asqar Uzaqbaıuly Mamın baıandama jasaıdy.
Aqsha-nesıe saıasatyna qatysty sharalar týraly Ulttyq banktiń tóraǵasy Erbolat Asqarbekuly Dosaev baıandaıdy.
Elimizdegi epıdemıologıalyq ahýaldy jaqsartý jónindegi sharalar týraly Densaýlyq saqtaý mınıstri Alekseı Vladımırovıch Soı baıandaıdy.
Sosyn birqatar oblystyń basshylaryna sóz beremin.
Qajet bolsa, basqalarǵa da sóz beriledi.
Qysqa ári nusqa, negizgi máselelerge toqtalyńyzdar."
Memleket basshysy Qasym-Jomarat Toqaevtyń Úkimettiń keńeıtilgen otyrysynda sóılegen kirispe sózinen" delingen Berik Ýálıdiń facebook-tegi jazbasynda.
Pikir qaldyrý