Qazaqstannyń Densaýlyq saqtaý mınıstrligi keıbir Qytaı BAQ-tarynda taraǵan Qazaqstanda koronavırýsqa qaraǵanda kóp ólim belgisiz pnevmonıa jaǵdaılarynan bolyp jatyr degen aqparattyń shyndyqqa sáıkes kelmeıtinin málimdedi.
"DDSU AHJ-10 halyqaralyq aýrýlardyń jiktemesine, onyń ishinde pnevmonıa úshin kodtar engizdi. Aıtalyq, «matovogo stekla» sındromy kezinde KVI klınıkalyq nemese epıdemıologıalyq turǵydan, ıaǵnı ókpeniń qabynýy dıagnostıkalanady. Biraq zerthanalyq zertteýde rastalmaıdy. Qazaqstan osyǵan baılanysty álemdegi basqa elder sekildi osyndaı pnevmonıany esepke jáne monıtorıńke alady. Bul syrqattaný jaǵdaıyn jáne koronavırýstyq ınfeksıanyń taralýyn turaqtandyrýǵa baǵyttalǵan basqarý sheshimderin qabyldaýǵa múmkindik beredi. 9 shildede Densaýlyq saqtaý mınıstri A. Soı eldegi pnevmonıa sany týraly aıtty. Jalpy alǵanda: elde bakterıalyq, grıbokty, vırýsty túrleri, sonyń ishinde AHJ-10 jiktemesine sáıkes "vırýsty pnevmonıa, etıologıasy anyqtalmaǵan pnevmonıa" bar. Osylaısha Qazaqstan Respýblıkasy Densaýlyq saqtaý mınıstrligi Qytaı BAQ-tarynyń aqparaty SHYNDYQQA SÁIKES KELMEITİNİN taǵy da málimdeıdi" delingen mınıstrlik taratqan málimdemede.
Buǵan deıin Qazaqstandaǵy Qytaı elshiliginiń WeChat jelisinde Qazaqstanda COVID-19-dan da qaýipti pnevmonıanyń jańa túri taralyp jatqany, oǵan turǵyndar jappaı shaldyǵyp jatqany týraly habarlanǵan.
