Koronavırýstan saýyǵyp shyqqandardyń úlesi 73,6%-dy quraıdy. Bul týraly úkimet otyrysynda densaýlyq saqtaý mınıstri Alekseı Soı habarlady, dep jazady primeminister.kz.

A. Soı 10 kún ishinde Qazaqstanda koronavırýs ınfeksıasynyń reprodýktıvtiliginiń ortasha kórsetkishi 0,92-den 0,82-ge deıin tómendegenin baıandady.

Saýyǵyp shyqqan adamdardyń úlesi 73,6%-dy quraıdy, qalǵandary qajetti em alyp jatyr.

Tósek oryndarynyń júktemesi 61%-ǵa, jedel járdem shaqyrý kólemi 62%-ǵa (3 232-den 1 232-ge deıin) tómendedi.

Premer-mınıstr Asqar Maman qalyptasqan epıdemıologıalyq jaǵdaıdy eskere otyryp, karantın sharalaryn kezeń-kezeńimen alyp tastaý josparyn memlekettik komısıanyń qaraýyna engizýdi tapsyrdy.

– Jalpy alǵanda, elimizdegi sanıtarlyq-epıdemıologıalyq jaǵdaı turaqty. Nátıjeler qabyldanǵan sharalardyń tıimdiligin kórsetip jatyr, – dedi A. Mamın.