Qazaq sahnasynda jeti jyl eńbek etip, "Qara kóılek" ánimen tanylǵan "Denar" toby ekinshi beınebaıanyn kórermen nazaryna usyndy dep habarlaıdy 31 telearna. Qazaq estrada juldyzdarynyń basyn qosyp, beınebaıannyń tusaýkeserin ótkizgen jigitter,  shoý-bıznesti damytýǵa óz úlesimizdi qospaı qoımaımyz degen maqsat qoıyp otyr.

«Otanym» dep atalatyn ánge túsirilgen beınebaıan arqyly  tepse temir úzetin qazaq jigitterin  áskerge shaqyryp, júrekterine Otanǵa degen súıispenshilikterin arttyrý deıdi "Denar" toby. Sondaı-aq keshte toptyń jańartylǵan quramy resmı túrde tanystyrylyp, ónerde júrgen aǵa-ápkeleri sáttilik tilep, batalaryn berdi. Aldaǵy ýaqytta atalmysh top,  rok-n-rol, tvıst  baǵytynda da án shyrqap, tyńdarmandaryn qýantýdy kózdep otyr.