"Qazaqfılm" kınostýdıasyndaǵy órtten shamamen 50 mln teńgege jýyq shyǵyn kelgen. Bul týraly kınostýdıanyń ınstagramdaǵy paraqshasynda habarlandy.

Órt shyǵý deregi boıynsha Almaty qalalyq ishki ister departamenti qylmystyq is qozǵaǵan.

Kınostýdıa ákimshilik ishki tekserý jumystaryn júrgizip jatqanyn habarlady.

"Órt eń aldymen orman qoımasynyń ashyq aýmaǵynda bastalǵan. Shamamen 20 mınýttan keıin "Qazaq handyǵy" tarıhı fılmi úshin jasalǵan "Shaıban shahtyń ishki aýlasynan" órt shyqqan. Bul aǵash qurylym alǵashqy oshaqtan 300 metr qashyqtyqta ornalasqan. Ot shyqqan qoımada janǵysh materıaldardyń bolmaýy men oǵan elektr toǵynyń tartylmaýy órttiń ózdiginen shyǵý faktisin joqqa shyǵarady. Qazirgi ýaqytta órttiń aldyn ala shyǵyny 48 981 130 teńgeni quraıdy. Esepteýler jalǵasýda" delingen áleýmettik jelidegi jazbady.