Jaqsyǵa basyn aıtý jeterlik. Meniń tilegim mynaý:

1. Nurekeńmen tórtinshi ret Dúnıejúzi Qazaqtarynyń İV Quryltaıynda kezigip, tuńǵysh ret bir talap qoıǵanym bar. Ol talabymnyń bir bettik jazba nusqasyn da sol joly tabys ettim. Onda bylaı delingen edi: «Ózge eldegi biz Sizdiń Qazaqstanda qazaq jazýyn latynshaǵa qaıtaramyz degenińizdi estip qýanýdamyz. Árıne, Qazaqstannyń latynshaǵa kóshýi mundaǵy til mártebesiniń memlekettik deńgeıge tolyq jetýinen soń bolǵany paıdaly. Biraq bolashaqta kóshetin latynshanyń jobasyn jýyqta jarıalap jiberseńizder, dıasporadaǵylar soǵan aýnaı berer edik. Bul ár eldegi qazaqtardyń bet-betimen latynshanyń ár túrli jobasyna ketip qalmaýy, bolashaqta dúnıedegi qazaqtardyń jazýdaǵy birligi úshin óte paıdaly».

Osy jumys tezdetilse jaqsy bolar edi.

2. Qulja qalasyndaǵy kezigýde, Nurekeń: «Biz Qytaı qazaqtaryn túgel kóshirip ala qoıaıyq dep otyrǵanymyz joq. Biraq, baram degenderge qushaǵymyz ashyq» degen-di. «Nurly kósh» baǵdarlamasy sol ashyq qushaqty áıgilegen bolatyn. Qazir Qytaıda Qazaqstanǵa baram deýshige bóget joq. Deı turǵanmen qytaı qazaqtary Qazaqstanǵa qotaryla kóshkeli de otyrǵan joq. 20 jyldan beri Qazaqstanǵa barǵandardyń sany qytaı qazaqtarynyń eki-aq jyldyq ósimi ekeni buǵan aıǵaq. Meniń aıtarym – «Nurly kósh» nurly bola tússe, qytaıdaǵy jyly ornyn tastap barǵandar jyly qarsy alynsa, ókinishten aýlaq bolsa. Bul úmit Nurekeń tikeleı nazaryna alǵanda ǵana iske asady.

3. Qazaqstannyń shynaıy táýelsizdigi men Qazaqstandaǵy qazaq tiliniń mártebesi – ózge elderdegi qazaqtar qatty mán beretin eń basty taqyryptar jáne bul olardy Elge tartatyn eń kúshti «magnıt». Qazaqstannyń kópvektorly saıasat dıplomatıasyna qurmetpen qaraıtyn olar alyptarmen arasynyń teń qashyqtyqta bolýyn kókseıdi jáne memlekettik til úshin batyl sharalar qoldanýdy tileıdi.

Sultan JANBOLATOV

Sýret: i-news.kz