Almatyda qala kúni qarsańynda «Almaty qalasynyń Qurmetti azamaty» ataǵyn alǵan azamattardy marapattaý rásimi ótti. Almaty qalasynyń ákimi Baqytjan Saǵyntaev erekshelik belgileri men «Eńbegi úshin» tósbelgisin tabys etti.

Rásim barysynda rejıser, teatr jáne kıno akteri, QR Halyq ártisi, Memlekettik syılyqtyń laýreaty Dosqan Joljaqsynov, joǵary baǵa bergeni úshin alǵysyn bildirip, qala turǵyndaryn qala kúnimen quttyqtady.

«Uly Gýmılevten bylaı suraǵan eken: „Zıaly qaýymǵa jatasyz ba?“ degende: „Joq, meniń basqa mamandyǵym bar, men óz halqymdy jaqsy kóremin“, – dep jaýap bergen eken. Sondyqtan, biz bárimiz osy ulttyń ókilimiz. Ata-analardyń tárbıesin sińire otyryp, bilim izdep Almatyǵa 1969 jyly keldik. Sodan beri osynda turamyz. Bizdiń stýdenttik ómirimiz Almatyda ótti. Kásibı bilim alyp, teatrǵa kelip, kınoǵa tústik. Bizdiń alǵashqy kórermenderimiz almatylyqtar boldy. Qabdesh aǵa, Shámsha Kópbaıqyzy, Nına Ámirqyzy-men olardy kórgenime qýanyshtymyn jáne osy kórnekti tulǵalarmen maqtanamyn. Djefferson bir kezderi: „Memlekettiń negizi – halyq“, – dedi. Halyq-óz mindetteri men paryzyn túsinetin aqyldy adamdar. Qala ákimshiligi bul iske óz úlesin qosýda. Jastardyń júregine Otanǵa jáne jerge degen súıispenshilikti uıalatady. Úlken mereke-qala kúni jaqyndady. Almaty qalasyna alǵysymdy bildirgim keledi. Barlyǵymyzǵa myqty densaýlyq tileımin. Búgingi kún – Almaty men almatylyqtardyń rýhy myqty degenniń belgisi», — dedi D. Joljaqsynov.