Qostanaı oblysynda karantın sharalary qaıta kúsheıtiledi. Búgin oblys ákimdigi janyndaǵy jedel shtab osyndaı sheshim shyǵardy, dep habarlady coronavirus2020.kz saıty.

Sońǵy kúnderi oblysta epıdemıologıalyq ahýal kúrdelene tústi. Osyǵan baılanysty covid-19 aýrýynyń odan ári taralýyna jol bermeý maqsatynda oblystyq jedel shtab 9 qarashadan bastap 2 apta merzimge karantın sharalaryn qatańdatý týraly sheshim qabyldady.

Karantın talaptaryna saı:

• Qostanaı qalasynyń perımetri boıynsha blokpostar ornata otyryp, sondaı-aq QR Memlekettik shekarasy arqyly avtoótpe joldar aýdanynda karantın engiziledi;
• KVI-men syrqattanýshylyqtyń kún saıynǵy ósimi 10-nan astam jaǵdaıdy quraıtyn eldi mekenderde sanıtarıalyq blokposttar ornatylady;
• PTR anyqtamasy joq júk kóligi men jolaýshylardyń Qostanaı oblysyna kirýine tyıym salynady, olar bolmaǵan jaǵdaıda adamdar tekserý úshin 2 kúnge deıingi merzimge karantındik gospıtálǵa jiberiledi;
• áýe qatynasy jolaýshylarynda teris nátıjesi bar PTR-anyqtamalardyń mindetti túrde bolýy  kerek (berilgen sátten bastap 3 táýlikten artyq emes);
• áýejaılarǵa, temir jol vokzaldaryna kútip alatyn jáne shyǵaryp salatyn tulǵalardy kirgizýge tyıym salynady (bılet bolǵan jaǵdaıda ǵana ótkizip alý);
• temir jol tasymaldarynyń kólemi men kezeńdiligi qysqartylady («Qazaqstan temir joly» AQ-men kelisim boıynsha);
• Qostanaı oblysy eldi mekenderiniń aýmaǵy boıynsha turǵyndardyń júrip-turýy saǵat 21:00-den 06:00-ge deıin shekteledi;
• qoǵamdyq kólik jumysyna otyratyn oryn sany boıynsha saǵat 06.00-den saǵat 20.00-ge deıin ruqsat berý. Demalys jáne mereke kúnderi qoǵamdyq kóliktiń jumysyn toqtata turý;
• dinı obektilerdiń (meshitter, shirkeýler, soborlar, sınagogalar jáne t. b.) qyzmetin toqtata turý;
• mádenıet obektileriniń (jeke, toptyq daıyndyqtar), kitaphanalardyń, murajaılardyń qyzmetin toqtata turý;
• jumys kúnderi saǵat 08.00-den bastap saǵat 21.00-ge deıin jumys rejımin shekteı otyryp, bir mezgilde 30-dan aspaıtyn kelýshiler bolǵan jaǵdaıda úı-jaılardaǵy qoǵamdyq tamaqtandyrý obektileriniń, saǵat 21.00-den keıingi jumys tek alyp ketýge jáne jetkizýge, saltanatty, otbasylyq, estelik, ujymdyq is-sharalardy ótkizbeı ruqsat berý. Jeksenbi jáne mereke kúnderi saǵat 21.00-den keıin jumys tek alyp ketýge jáne jetkizýge ruhsat berý;
• 08.00-den bastap 19.00-ge deıin jumys rejımimen aldyn ala jazylý boıynsha sulýlyq salondarynyń, shashtarazdardyń, SPA-ortalyqtardyń, kosmetologıalyq qyzmet kórsetetin obektilerdiń qyzmetine ruqsat berý. Jeksenbi kúnderi toqtata turý;
• jumys kúnderi aldyn ala jazylý boıynsha fıtnes-ortalyqtardyń, jattyǵý zaldarynyń jáne sporttyq-saýyqtyrý ortalyqtarynyń qyzmetine ruqsat berý, jumys ýaqyty saǵat 08.00-den bastap 19.00-ge deıin bir kelýshige 50% - dan aspaıtyn jáne 5 sharshy metrden kem emes toltyrylýyn qamtamasyz etý kezinde. Demalys jáne mereke kúnderi toqtatyla tursyn;
• sportshylardyń Qazaqstan Respýblıkasynan tys jerlerde oqý-jattyǵý jıyndary men jarystarǵa qatysýy úshin ketýine tyıym salý;
• jerleý is-sharalaryn ótkizý kezinde keminde 2 metr qashyqtyqty saqtaı otyryp, 20-dan astam adamnyń (otbasy músheleriniń, jaqyn týystarynyń) jınalýyna jol bermeý;
• kúndizgi rejımde keńester (otyrystar) ótkizýge tyıym salý.
• memlekettik organdar, kvazımemlekettik sektor qyzmetkerleriniń 80% - ynyń jumysyn qashyqtyqtan rejımge kóshirý;
• jolaýshylar sany 2 adamnan aspaıtyn, saǵat 21:00-den 06.00-ge deıin taksıdiń júrip-turýyn shekteý;
• teatrlardyń, kınoteatrlardyń qyzmetin toqtata turý;
• saýda úıleri, saýda ortalyqtary, azyq-túlik emes dúkender úshin jumys rejımin 10:00-den 20:00-ge deıin shekteý.
• azyq-túlik dúkenderiniń jumys rejımin saǵat 08:00-den 21:00-ge deıin shekteý;
• termopark jumysyn jabý;
• demalys jáne mereke kúnderi qalaaralyq qoǵamdyq kóliktiń qozǵalysy toqtatyla tursyn.

"Sizderden jeke qaýipsizdik sharalaryn saqtaýǵa baıypty qaraýyńyzdy suraımyz. Adamdarmen baılanysty azaıtý, áleýmettik qashyqtyqty saqtaý, kúndelikti ómirde barlyq saqtyq sharalaryn sanaly túrde saqtaý mańyzdy. Keıinnen shekteý sharalaryn alyp tastaý týraly barlyq sheshimder qalyptasyp otyrǵan epıdjaǵdaıdy eskere otyryp qabyldanatyn bolady. Tek ortaq kúsh-jigerdiń arqasynda biz koronavırýstyq ınfeksıanyń jappaı taralýyn toqtata alamyz, óz ómirimizdi jáne jaqyndarymyzdyń ómirin saqtaı alamyz" delingen jedel shtab taratqan habarlamada.