Búgin 7  jeltoqsanda Qazaqstannyń birneshe oblysynda qar jaýyp, boran soǵyp, tuman túsedi. Bul týraly Qazgıdromet saıty habarlady.

Saıt málimetinshe, atmosferalyq frontaldy bólikterdiń áserinen respýblıkanyń keı jerlerinde qar kútiledi. Eldiń qıyr soltústiginde, batysynda jáne ońtústik-shyǵysynda jaýyn-shashynsyz aýa raıy kútiledi. Keı jerlerde tuman túsedi. Ońtústik-shyǵysta jel kúsheıedi.

"Aqmola, Soltústik Qazaqstan, Pavlodar, Qostanaı, Aqtóbe, Shyǵys Qazaqstan, Batys Qazaqstan, Almaty, Jambyl, Túrkistan oblystarynyń keı jerlerinde tuman túsedi. Almaty oblysynyń Jalańashkól aýdanynda jeldiń kúsheıýi sekýndyna 17-22 metrge deıin jetýi múmkin. Mańǵystaý oblysynyń soltústiginde 22 gradýsqa deıin qatty aıaz bolady" delingen habarlamada.