Jartylaı aýyr salmaq boıynsha WBA-nyń sýper-chempıony Beıbit Shúmenov pen slovak Tamash Kovachtyń urysy álemdik boksta "Sovettik sport" nusqasy boıynsha, ótken aptanyń eń basty on jańalyqtyń biri bolyp sanaldy. Bul jóninde Vesti.kz. saıty habarlaıdy.

Shúmenov-Kovach  urysy 15 jeltoqsan kúni San-Antonıoda ótken bolatyn. Úshinshi raýndty tehnıkalyq nokaýtpen jeńgen qazaqstandyq baýyrymyz, árbir raýndty nokdaýndpen aıaqtap otyrdy. Boxrec.com táýelsiz reıtingtik portalynda Shúmenov 70 boksshyny ysyryp tastap, 32 orynǵa deıin joǵarylady.

Osy kezdesýge deıin ol jarty jyl ýaqyt rıngke shyqpaǵan edi. Jeńimpazdyń kelesi qarsylasy jartylaı salmaqtaǵy IBF-dan álem chempıony 48 jasar amerıkandyq Bernard Hopkıns bolady degen boljam bar.

Shúmenov onyń aldynda ǵana Hopkınspen bokstasý úlken qurmet degen málimdeme jasaǵan edi. Amerıkandyqty qanshalyqty syılasa da rıngte bar kúshimen qarsylasatynyn aıtty. Promoýterlik Golden Boy kompanıasynyń atqarýshy dırektory Rıchard Sheferdiń oıynsha, bul urys San-Antonıodaǵy  "Alamodoým" arenasynda ótýi múmkin.