«Nur Otan» partıasynan Jambyl oblystyq máslıhaty depýtattyǵyna kandıdattar Nazymhan Abıtaev pen Láılá Begımbaeva Shý aýdany Jańa jol aýylynda kópbalaly analarmen jáne turǵyndarmen kezdesti. 

– Shý aýdany «Nur Otan» partıasynyń saılaýaldy baǵdarlamasy azamattarymyzdyń ómir súrý sapasyn arttyrý, árbir adamnyń taza sýǵa, aýaǵa jáne sapaly ınfraqurylymǵa qol jetkizýin qoldaıdy. Jol jáne kólik ınfraqurylymyn, turǵyn úı-kommýnaldyq salany jańǵyrtýǵa, sondaı-aq qolaıly ekologıalyq jaǵdaıdy saqtaýǵa baǵyttalǵan jumyspen qamtýdyń 2020-2021 jyldarǵa arnalǵan jol kartasy, «Aýyl-El besigi» jobasy iske asyrylady. Aýdandaǵy avtomobıl joldarynyń joǵary sapalylyǵyn qamtamasyz etý de basym baǵyttardyń birine jatady. Partıanyń 2025 jylǵa arnalǵan saılaýaldy baǵdarlamasynyń sheńberinde Jańa jol aýylynda jol máselesi sheshimin tabatyn bolady. 2022 jyly aýyldyń 6,9 shaqyrym joly jóndelse, 2023 jyly S.Ómirzaquly kóshesine jóndeý jumystary qolǵa alynady. Osy sekildi jergilikti jerdegi kóptegen áleýmettik máseleniń sheshimin tapqan , – dedi Nazymhan Abıtaev.

Kandıdattar partıanyń yqpal etýimen aýdanda arnaıy áleýmettik qyzmettermen muqtajdardy qamtý úshin medısınalyq-áleýmettik mekemeler jelisin keńeıtip, múgedek balalarǵa arnalǵan 4 ońaltý jáne beıimdeý ortalyǵy ashylatynyn alǵa tartty.

Kezdesý sońynda kandıdattar qoıylǵan birneshe suraqtarǵa tushymdy jaýap berdi. Kezdesýge kelgen halyq ózderin kópten mazalaǵan jol máselesiniń partıanyń saılaýaldy baǵdarlamasy arqyly sheshiletindigine rızashylyqtaryn bildirip, «Nur Otan» partıasyna daýys beretinin jáne aǵaıyn-týysty osy partıaǵa daýys berýge shaqyratynyn jetkizdi.

«NurOtan» partıasynyń Jambyl oblystyq fılıaly

«Nur Otan» partıasy Jambyl oblystyq saılaý qorynyń qarajatynan tólendi